Dziaŭčyna paprasiła ŭ kazino bolš jaje nie puskać, a jaje adpravili ŭ padatkovuju
Dziaŭčyna chacieła abmiežavać siabie ŭ naviedvańni hulniavych ustanoŭ, ale ŭ kazino ź jaje vyrašyli pažartavać.
U staličnuju inśpiekcyju Ministerstva pa padatkach i zborach źviarnułasia dziaŭčyna. Jana paprasiła abmiežavać jaje ŭ naviedvańni hulniavych ustanoŭ.
Inśpiekcyja takija zajavy nie prymaje, ale padatkaviki vyrašyli daviedacca, chto nakiravaŭ dziaŭčynu da ich. Vyjaviłasia, jaje adpravili ŭ padatkovuju ŭ adnym z kazino, raskazali ŭ inśpiekcyi.
«Ja pryjšła ŭ kazino, kab napisać zajavu na samabmiežavańnie, ale jany adpravili mianie da vas», — raspaviała dziaŭčyna.
U padatkovaj vyrašyli, što supracoŭniki kazino takim čynam vyrašyli pažartavać. Bo mienavita kazino i pavinna było pryniać takuju zajavu ad dziaŭčyny. Inśpiekcyja paabiacała pravieści aficyjnuju hutarku z supracoŭnikami ŭstanovy i ŭziać kazino na asablivy kantrol.
Pavodle zakona, čałaviek moža samastojna abmiežavać siabie ŭ naviedvańni hulniavych ustanoŭ i ŭdziele ŭ azartnych hulniach na termin ad 6 miesiacaŭ da 3 hadoŭ. Dla hetaha dastatkova asabista padać piśmovuju zajavu lubomu arhanizataru azartnych hulniaŭ.
Padača zajavy lubomu arhanizataru azartnych hulniaŭ razhladajecca jak padača zajavy ŭsim arhanizataram azartnych hulniaŭ u Biełarusi, heta značyć čałavieka nie pavinny puskać u kazino pa ŭsioj krainie.
Kamientary