Aŭtapartret źviazanaha ź Viciebskam mastaka pradali ŭdvaja vyšej acenki. I heta nie Šahał
Na viačernim aŭkcyjonie sučasnaha mastactva Sotheby's pradali aŭtapartret Łazara (Ela) Lisickaha, adnaho z samych aktyŭnych dziejačaŭ Viciebskaha mastackaha ruchu UNOVIS, zaŭvažyŭ Office Life.
Jaho cynkahrafiju na šaŭkovaj tkaninie aceńvali ŭ 500-750 tysiač dalaraŭ, ale pa vynikach aŭkcyjonu novy ŭładalnik zapłaciŭ za jaje bolš čym udvaja daražej — 1,14 miljona dalaraŭ.
Hety aŭtapartret Lisicki zrabiŭ u 1924 hodzie. Ad inšaha aŭtapartretu mastaka, jaki zachoŭvajecca ŭ Traćciakoŭskaj halerei, jon adroźnivajecca dadatkovymi elemientami.
Taksama na aŭkcyjonie sprabavali pradać «Kalaśnicu na zialonym niebie» Marka Šahała. Jaje košt acanili ŭ 315-440 tysiač dalaraŭ.
Łazar (El) Lisicki — saviecki jaŭrejski mastak, fatohraf i architektar. Sumiesna z Kazimiram Malevičam jon raspracoŭvaŭ asnovy suprematyzmu. U 1919 hodzie pa zaprašeńni Marka Šahała Lisicki na niekatory čas pierajechaŭ u Viciebsk, dzie vykładaŭ u Narodnym mastackim vučyliščy.
Kamientary