«Navat CRU i MI-6 vielmi vysoka acanili». Łukašenka zajaviŭ, što maje «niepubličnuju padziaku» ad zachodnich śpiecsłužbaŭ
Alaksandr Łukašenka śćviardžaje, što maje «niepubličnuju padziaku» ad zachodnich śpiecsłužbaŭ, jakija vysoka acanili jaho dapamohu letam 2023-ha spynić pachod na Maskvu Jaŭhiena Pryhožyna i PVK «Vahnier». U intervju amierykanskamu błohieru Marya Naŭfału jon raskazaŭ novyja akaličnaści tych padziej.
«Maje dziejańni byli acenienyja Zachadam u tym liku, što mianie ździviła. Navat CRU i MI-6, inšyja śpiecsłužby heta vielmi vysoka acanili. Čamu? Pra heta nie pryniata publična kazać. Ale Zachad heta zaŭvažyŭ, ja tady taksama heta adčuŭ, ale kali ŭžo praces pačaŭsia: Ženia Pryhožyn rvaŭsia da jadziernaj knopki. I zachodniki dapuskali, što ŭ toj pieryjad jon moža zrynuć isnujučuju ŭładu i zachapić jadziernuju zbroju. Voś za heta vy mnie niepublična dziakavali», — raskazaŭ novyja padrabiaznaści Alaksandr Łukašenka.
Miaciež PVK «Vahnier» Jaŭhiena Pryhožyna adbyŭsia 23—24 červienia 2023 hoda. Pryhožyn vystupiŭ suprać ministra abarony RF Siarhieja Šajhu i kiraŭnika Hienštaba Valeryja Hierasimava. Častka «vahnieraŭcaŭ» pajšła na Maskvu. Dakładnyja achviary rasijan z abodvuch bakoŭ dahetul nieviadomyja.
U vyniku pieramoŭ, da jakich mieŭ dačynieńnie Alaksandr Łukašenka, Jaŭhienu Pryhožynu paabiacali spynieńnie kryminalnaha pieraśledu i vychad «vahnieraŭcaŭ» u Biełaruś. Paśla hetaha pachod na Maskvu skončyŭsia.
Praz dva miesiacy Jaŭhien Pryhožyn zahinuŭ u avijakatastrofie: pa adnoj viersii, jaho samalot byŭ źbity rakietaj, pa druhoj — vybuchoŭka była na borcie. Isnuje ŭstojlivaja viersija, što zabojstva Pryhožyna adbyłosia z zahadu Uładzimira Pucina.
Ciapier čytajuć
Dačka sudździ, jakaja žyŭcom zhareła ŭ sudzie ŭ Słucku ŭ 1967-m, raskazała, jak skłałasia žyćcio ich siamji paśla hučnaj trahiedyi10
Kamientary
Jemu mieždunarodnoje zvučanije podavaj!