Pa vynikach vizitu Łukašenki ŭ Vieniesuełu padpisana 22 pahadnieńni
Pa vynikach vizitu Alaksandra Łukašenki ŭ Vieniesuełu padpisana 22 pahadnieńni ab supracoŭnictvie ŭ halinie handlu, sielskaj haspadarki, enierhietyki i budaŭnictva, paviedamlaje Balivaryjanskaje ahienctva navin (ABN).
Dakumienty praduhledžvajuć, u pryvatnaści, prajektavańnie i budaŭnictva ahraharadka ŭ adnym z rajonaŭ Vieniesueły, stvareńnie vytvorčaj bazy dla vypusku sielhaspradukcyi, budaŭnictva siervisnaha centra dla mašyn i abstalavańnia, pastaŭku biełaruskaha abstalavańnia dla pierapracoŭki mietałałomu, uźviadzieńnie dvuch zavodaŭ pa utylizacyi akumulatarnych batarej.
Z 1 maja Vieniesueła budzie pradavać Biełarusi štodnia 80 tys. barelaŭ nafty (12,6 tys. ton). U dalejšym abjomy pastavak płanujecca pavialičyć. Nafta budzie pierapracoŭvacca na biełaruskich NPZ dla nastupnaha prodažu ŭ Centralnaj Jeŭropie. Vieniesueła raźličvaje vyjści na jeŭrapiejski rynak enierhanośbitaŭ, zajaviŭ prezident krainy Uha Čavies.
Padpisana pahadnieńnie ab raspracoŭcy hazavych radoviščaŭ u Vieniesuele. Na pieršym etapie SP «BiełoVieniesołana» budzie zdabyvać štodnia 40 młn. kubičnych futaŭ hazu (1,13 młn. kubamietraŭ). Da 2012 hoda zdabyča pavinna vyraści ŭ piać razoŭ. Abjom inviestycyj aceńvajecca ŭ 1,6 młrd. dalaraŭ. Pavodle słoŭ Čaviesa, paćvierdžanyja zapasy hazu ŭ Vieniesuele składajuć 200 trłn. kubičnych futaŭ (5,66 trłn. kubamietraŭ). Hieołaharaźviedačnyja raboty na sušy i mory pavinny pavialičyć hetuju ličbu ŭdvaja, što vyviedzie Vieniesuełu na čaćviortaje miesca ŭ śviecie paśla Rasii, Katara i Irana.
Jak paviedamlaje Pieršy kanał biełaruskaha telebačańnia, na praciahu dvuch miesiacaŭ budzie stvorana sumiesnaje pradpryjemstva dla pastaŭki vieniesuelskaj nafty ŭ Biełaruś. Akramia taho, padpisany kantrakt na pastaŭku ŭ Vieniesuełu 1.300 adzinak darožna‑budaŭničaj techniki biełaruskaj vytvorčaści amal na 200 młn. dalaraŭ. Da 1 lipienia 2011 hoda biełaruskija budaŭniki ŭźviaduć zavody pa vypusku techniki MAZ (5 tys. adzinak u hod) i MTZ (10 tys.). Sioleta ŭ pieršym paŭhodździ Biełaruś pastavić techniku BiełAZ na 20 młn. dalaraŭ.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary