Kiraŭnika viciebskaj turystyčnaj firmy sudziać za avatarki ŭ fejsbuku «Ja TUT» i «My 97%»
«Viciebskaja viasna» daviedałasia, u čym vinavaciać Andreja Kraśko, dyrektara «Viciebsk-MiehaTur», jakoha pačali sudzić siońnia ŭ sudzie Pieršamajskaha rajona Viciebska.
Andrej Kraśko — dyrektar PHUP «Viciebsk-MiehaTur», jakoje źjaŭlajecca aficyjnym pradstaŭnikom u Viciebsku bujnoj sietki turahienctvaŭ «Haračyja tury».
49-hadovaha viciablanina vinavaciać u «niesankcyjanavanym pikietavańni» pa č.1 art. 24.23 KaAP. Na jaho staroncy ŭ fejsbuku znojdzieny fotazdymki z «ramkami» — sa ściaham Ukrainy, z nadpisam «Ja TUT» i «My 97%».
Na sudovym pasiadžeńni budzie razhladacca i jašče adzin pratakoł — za «raspaŭsiud ekstremizmu» ŭ internecie pa č.2 art.19.11 KaAP.
Sudzić dyrektara turfirmy budzie Kaciaryna Cybulskaja — samaja maładaja sudździa suda Pieršamajskaha rajona. Jana pryjšła siudy na pracu ŭ śniežni 2024 hoda, i z toj pary jaje pryznačajuć raźbirać palityčna matyvavanyja spravy.
Aprača Andreja Kraśko, 4 sakavika za «raspaŭsiud ekstremizmu» jana sudzić jašče dvaich viciablan — pradprymalnika Andreja Kapuścina i supracoŭnicu Viciebskaha abłasnoha centra dermatavienierałohii i kaśmietałohii Alenu Karabań.
Asudžany za «Hajun» da chimii brat Ihara Łosika ŭciok ź Biełarusi3
Kamientary