Bieły dom apublikavaŭ zajavu pa vynikach pres-kanfierencyi Trampa i Zialenskaha
Asnoŭnaja častka apublikavanaj zajavy składajecca z dadatkovych arhumientaŭ da vykazvańniaŭ, jakija Tramp užo ahučyŭ padčas pres-kanfierencyi. Nazyvajecca tekst «Prezident Tramp i vice-prezident Vens vystupajuć na baku amierykancaŭ».
«Prezident Donald Tramp i vice-prezident Džej Dzi Vens zaŭsiody buduć adstojvać intaresy amierykanskaha naroda i tych, chto pavažaje pazicyju Złučanych Štataŭ u śviecie, i nikoli nie dazvolać vykarystoŭvać amierykanski narod u svaich intaresach», — skazana napačatku zajavy.
Skrynšot: Bieły dom
Dalej u tekście paŭtarajucca cytaty Trampa i Vensa z pres-kanfierencyi:
- «Dazvolcie mnie skazać vam, što ŭ vas niama kozyraŭ. Z nami ŭ vas jość kozyry, ale biez nas u vas niama nijakich kozyraŭ».
- «Vy hulajecie z Treciaj suśvietnaj vajnoj»
- «Ja daŭ vam «Džavieliny», kab źniščyć usie hetyja tanki. Abama daŭ vam praściny».
- «U kastryčniku vy jeździli ŭ Piensilvaniju i pravodzili kampaniju ŭ padtrymku apazicyi».
Pad kožnuju cytatu Bieły dom dadaŭ rozny nabor faktaŭ, u padmacavańnie vykazvańniaŭ.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy13
Kamientary