Na pres-kanfierencyi paśla sustrečy prezidenta ZŠA Donalda Trampa z premjer-ministram Vialikabrytanii Kiram Starmieram u amierykanskaha lidara zapytalisia, ci daviaraje jon prezidentu Rasii Uładzimiru Pucinu i ci vieryć u toje, što dasiahnutyja ź im damoŭlenaści buduć vykonvacca.
«Ja viedaju jaho ŭžo doŭhi čas i nie vieru, što jon parušyć svajo słova. Kali my zaklučym ździełku, ja dumaju, što jana budzie trymacca», — skazaŭ Tramp.
Adkazvajučy ž na pytańnie, čamu brytanski premjer Kir Starmier, u adroźnieńnie ad jaho, nie daviaraje Uładzimiru Pucinu, Tramp skazaŭ: «Daviaraj, dy praviaraj».
«Praviarać treba, bo nikoli nie viedaješ, što adbudziecca. Ja viedaju šmat ludziej, pra jakich možna skazać: «nijakich šancaŭ, što jany kali-niebudź padmanuć ciabie», i jany horšyja ludzi ŭ śviecie, — skazaŭ Tramp žurnalistam. — Ja viedaju i takich, pra jakija vy b skazali, što jany vas padmanuć, a jany na 100% sumlennyja. Tak što vy nikoli nie viedajecie, što atrymajecie».
U chodzie razmovy z žurnalistami Tramp skazaŭ taksama, što ličyć mirnaje pahadnieńnie pamiž Rasijaj i Ukrainaj takim, što ŭžo praktyčna adbyłosia, i zajaviŭ, što nie dumaje, što Pucin znoŭ uvarviecca va Ukrainu.
«Ja dumaju, što Rasija pavodzić siabie vielmi dobra. […] Ja dumaju, što my vielmi dobra prasunulisia ŭ pytańni zaklučeńnia pahadnieńnia, ale my jašče nie zaklučyli jaho», — zajaviŭ Tramp. Jon taksama miarkuje, što abo pahadnieńnie budzie zaklučanaje vielmi chutka, abo jano ŭvohule nie adbudziecca.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ1
Kamientary