Ad Paźniaka da Capkały: litoŭskija aktyvisty skłali top zaciatych «lićvinistaŭ»
25 lutaha hrupa litoŭcaŭ apublikavała list da miascovych uładaŭ z patrabavańniem zabaranić biełarusam vykarystoŭvać «Pahoniu». Z hetaha tekstu stała zrazumieła, kaho ŭ krainie ličać zaciatymi «lićvinistami».

Pa mierkavańni aŭtaraŭ lista, biełarusy raspaŭsiudžvajuć idei «lićvinizmu» anłajn — praź videaroliki i pasty.
«Lićvinistami» litoŭcy nazvali palityka Zianona Paźniaka, artystku Kaciarynu Vadanosavu, redaktarku Natallu Radzinu, aktyvista Siarhieja Kavalenku, palityka Valera Capkału, paeta i historyka Uładzimira Arłova, piśmieńnika Anatola Tarasa, publicysta Alesia Čajčyca i aktyvista Siarhieja Bulbu.
U tekście da litoŭskich uładaŭ navat pieraličany vypadki, praź jakija zhadanych biełarusaŭ paličyli za «lićvinistaŭ». Pieravažna heta ci publičnyja vystupy, ci artykuły ŭ biełaruskich miedyja.
U śpisie padpisantaŭ lista da litoŭskich uładaŭ 67 proźviščaŭ. Siarod ich jość aktor Ałhis Ramanaŭskas — były televiadučy LRT, jakoha vyhnali z telekanała paśla taho, jak jon prapanavaŭ rasstrelvać litoŭcaŭ, jakija słuchajuć ruskuju muzyku. Upłyvovyja palityki list nie padpisvali.
-
Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej
-
Łukašenka raskazaŭ, što karova pavinna stajać u pałacy, i kožnamu nieabchodna «choć pa dźvie barazionki» bulby pasadzić
-
Kamisija ci admova: jakija banki hatovy ŭziać u vas nie samyja idealnyja kupiury
Kamientary