Jeŭrakamisija vydaje 3 miljony jeŭra na padtrymku biełaruskaha biznesu za miažoj. U kansorcyum uvachodziać ABBA, Imaguru i Belbiz
Zapuščany prajekt Biełaruskaja dyjasparnaja inicyjatyva, jaki «imkniecca sadziejničać pierajemnaści i rostu biełaruskaj biznes-supolnaści ŭ vyhnańni».
12—13 lutaha ŭ Brusieli adbyŭsia zapusk prajekta Belarusian Diaspora Initiative (Biełaruskaja dyjasparnaja inicyjatyva, BDI). Jeŭrakamisija daść jaho stvaralnikam 3 miljony jeŭra na try hady.
«U ramkach hetaha prajektu [biełaruskaja biznes-asacyjacyja] ABBA dałučyłasia da viadučaha kansorcyŭmu pad kiraŭnictvam Jeŭrapiejskaj handlova-pramysłovaj pałaty. Partniorami kansorcyŭmu stali Polskaja handlova-pramysłovaja pałata, Litoŭskaja handlovaja pałata, Estonskaja handlova-pramysłovaja pałata, Kaŭnaskaja pałata handlu, pramysłovaści i ramiostvaŭ, a taksama Imaguru Global», — havorycca ŭ pres-relizie ABBA.
Siarod metaŭ novaj inicyjatyvy — sadziejničać pierajemnaści i rostu biełaruskaj biznes-supolnaści ŭ vyhnańni. «Akramia taho, dziejnaść prajekta budzie spryjać ustojlivamu rostu i stabilnaści biznesu, lepš padrychtoŭvajučy ich da paśpiachovaj reintehracyi na radzimu ŭ budučyni», — abiacajuć stvaralniki.
Što ad hetaj padtrymki Jeŭrakamisii atrymaje biznes ź biełaruskimi karaniami? Kiraŭnictva ABBA pieraličvaje voś takija try punkty:
- Vychad na jeŭrapiejski rynak praz supracoŭnictva z klučavymi handlova-pramysłovymi pałatami.
- Padtrymka i łabiravańnie na jeŭrapiejskim uzroŭni.
- Finansavańnie i adukacyjnyja mahčymaści dla raźvićcia i maštabavańnia biznesu.
Jaŭhien Bury z ABBA raskazaŭ, kolki jaho biznes-asacyjacyja atrymała ad Jeŭrasajuza i na što patraciła
Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu
Biznesu addali 10-15% ad dapamohi Jeŭrasajuza Biełarusi — Jahoraŭ adkazvaje na krytyku z boku Łatuški
Jahoraŭ pierapadličyŭ sumu, jakaja pajšła biznesu z dapamohi Jeŭrasajuza: Heta mienš, čym ja kazaŭ raniej, ad siły 4-7%
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary