Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu
Łatuška choča źmianić padychody — siarod pryjarytetaŭ nazyvaje palitviaźniaŭ i kulturu.
Jeŭrasajuz vydzieliŭ 30 miljonaŭ jeŭra dapamohi demakratyčnym siłam Biełarusi. Jak jany buduć raźmierkavanyja?
Pra heta ŭ efiry prahramy «Obyčnoje utro» raskazaŭ kiraŭnik Narodnaha antykryzisnaha ŭpraŭleńnia i namieśnik kiraŭnika Abjadnanaha pierachodnaha kabinieta Pavieł Łatuška.
Pa jaho słovach, takuju sumu Jeŭrapiejskaja kamisija vydatkoŭvaje kožny hod. Praŭda, z 30 miljonaŭ jeŭra dapamohi prykładna pałova zastaniecca ŭ jeŭrapiejskich fondaŭ i implemientataraŭ Jeŭrasajuza. Druhaja pałova budzie nakiravana demakratyčnym siłam Biełarusi dla realizacyi ŭsich napramkaŭ ich aktyŭnaści. Adnak Łatuška źviartaje ŭvahu, što z hetaj častki hrošaj jašče treba zapłacić padatki, jakija zabirajuć 30-50% srodkaŭ.
Zastajecca kala 10 miljonaŭ jeŭra. Dyk kamu ž jany dastanucca?
«Budu ščyrym, (…) my nie viedajem — ni Kabiniet, ni Ofis Cichanoŭskaj, (…) ni Kaardynacyjnaja rada, — jakim čynam raźmiarkoŭvajucca hetyja hrošy.
Jość pryjarytetnyja kirunki. I raniej za heta adkazvaŭ [tahačasny śpikier Kaardynacyjnaj rady] Andrej Jahoraŭ, jaho hrupa. Voś hety hod my jedziem pa šabłonach Jahorava. Jon hetu temu vioŭ, jon byŭ lidaram. Tak skłałasia. Kaliści heta było rašeńnie Ofisa. Jeŭrasajuzu heta padabałasia.
Tamu Jahoraŭ akreślivaŭ hałoŭnyja kirunki razam z arhanizacyjami, hramadzianskimi inicyjatyvami Biełarusi. Adrazu kažu, što nie z palityčnymi strukturami. My ŭvohule nie zaprašalisia dla vypracoŭki rašeńnia. (…)
Zaraz my chočam źmianić hety padychod, prymać udzieł u pryniaćci hetych rašeńniaŭ. Bo, naprykład, 33% išło, nakolki ja viedaju, na padtrymku biznesu, jaki rełakavaŭsia. A brakavała srodkaŭ na palitviaźniaŭ. (…)
Ja nie suprać biznesu, ale ŭ nas jość nacyjanalnaja kultura. Źjechali tysiačy dziejačaŭ nacyjanalnaj kultury, i my navat nie možam prafinansavać kupałaŭcam pastanoŭku śpiektakla».
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary
Kali źleziecie z hrantavaj ihły?