Pucin zajaviŭ, što rasijanie zajšli z Kurščyny na ŭkrainskuju terytoryju. Va Ukrainie abvierhli
Uładzimir Pucin siońnia zajaviŭ, što, maŭlaŭ, rasijskija vajskoŭcy pierasiekli miažu Kurskaj vobłaści z Ukrainaj. Adnak va Ukrainie kažuć, što heta była tolki dyviersijna-raźviedvalnaja hrupa, a pra šyrokaje nastupleńnie havorki nijak nie idzie.
Pavodle słoŭ Pucina, pierasiačeńnie miažy ździejśnili vajskoŭcy 810-j bryhady rasijskaj marskoj piachoty — mienavita heta padraździaleńnie vajuje suprać ukrainskich vojskaŭ u Kurskaj vobłaści.
U centry supraćdziejańnia dezynfarmacyi pry Radzie nacyjanalnaj biaśpieki i abarony Ukrainy kažuć, što pra šyrokamaštabny nastup rasijan havorka nie idzie, bo na terytoryi Kurščyny prosta na hety momant niama hrupovak, zdolnych jaho ažyćciaŭlać. Praŭda, na terytoryju Ukrainy sprabavała zajści dyviersijna-raźviedvalnaja hrupa, adnak jaje chutka źniščyli.
Pradstaŭnik Hienštaba USU Dźmitryj Lichavy taksama admaŭlaŭ praryŭ z Kurskaj vobłaści, adznačyŭšy, što rasijanie raspaŭsiudžvajuć «dadatkovyja ŭkidy» «na fonie ahulnych nie najlepšych nastrojaŭ u našych sacsietkach».
Jon raskazaŭ, što kala šostaj hadziny ranicy rasijskaje padraździaleńnie pasprabavała prasunucca ŭ bok miažy z Ukrainaj na kirunku Mikałajeva-Darjina — Žuraŭka. Adnak hetaja sproba pośpiechu nie mieła.
Ciapier čytajuć
Jak vyhladajuć kvatery z sacyjalnym ramontam dla čarhavikoŭ i kolki za ich prosiać2
Kamientary