U Minsku kavałak bietonu z mosta ŭpaŭ na aŭtamabil. U «Hardarbudzie» skazali, što heta sukupnaść abstavinaŭ
Žančyna prajazdžała pad mostam pamiž vulicaj Maskoŭskaj i praśpiektam Niezaležnaści, jaki ciapier rekanstrujujuć. Raptam u łabavoje škło prylacieŭ bieton.
Incydent adbyŭsia na vulicy Tałstoha ŭ noč z 14 na 15 lutaha. Žančyna prajazdžała pad mostam, jaki ciapier ramantujuć. U łabavoje škło jaje aŭtamabila z mosta prylacieŭ abłomak bietonu.
Škło ŭ vyniku raźbiłasia, a žančynie askołkami paškodziła ruki. Supracoŭniki DAI skłali pratakoł i apytali rabočych. Paśla čaho zajavili, što heta nie strachavy vypadak, bo vinavataha niama, piša «Minsk. Hałoŭnaje».
Supadzieńniem abstavinaŭ nazvali incydent, jaki moh pryvieści da trahiedyi, i ŭ «Hardarbudzie».
«Na puciepravodzie vykonvajucca demantažnyja pracy, padčas jakich uźnikajuć vibracyi. Ich upłyŭ na darožnyja elemienty nie vyklučajecca. Staryja ci niajakasnyja kampanienty mahli adkałocca», — cytuje pradstaŭnikoŭ pradpryjemstva «Minsk-Naviny».
«Mastabud», jaki zajmajecca ramontam, hatovy razhledzieć chadajnictva ad uładalnika mašyny ab pakryćci strat u dasudovym paradku.
Akramia taho, paśla incydentu hienieralnamu padradčyku daručana ŭzmacnić miery biaśpieki, u tym liku ŭstalavać naviesy pa piešachodnych złučeńniach, a taksama pracavać tolki ŭ načny čas sutak z poŭnym spynieńniem ruchu.
Zahružany puciepravod pamiž praśpiektam Niezaležnaści i vulicaj Maskoŭskaj zakryli na rekanstrukcyju da kanca hoda. U vyniku ŭ centry Minska źjavilisia bolš prablemy z zatorami.
-
U Puchavickim rajonie 17-hadovy chłopiec zalez na vysakavoltny słup i atrymaŭ 40 pracentaŭ apiokaŭ cieła
-
Miedyki raskazali pra stan paciarpiełych u strašnym DTZ u Dziatłaŭskim rajonie
-
Mužčyna i dziaŭčyna ź Minska na jachcie z 17-hadovym styrnavym pierakulilisia na voziery ŭ Brasłavie — vyratavali ŭsich traich
Ciapier čytajuć
Były hałoŭny ideołah Biełarusi pradaŭ dom u Drazdach za $600 tysiač5
Kamientary