Anhielskaja hazieta znajšła ŭ paŭnočnakarejskaha dyktatara na rachunkach u Luksiemburhu 4 miljardy dalaraŭ.
Pra heta The Daily Telegraph paviedamili śpiecyjalisty vyviedki Paŭdniovaj Karei. Pavodle ich viersii, srodki patrebnyja dyktataru dla taho, kab zabiaśpiečyć siabie ŭ vypadku padzieńnia kamunistyčnaha ładu.
Pavodle infarmacyi śpiecsłužbaŭ, pieršapačatkova hrošy raźmiaščalisia ŭ Šviejcaryi, ale paśla taho jak mižnarodnyja praviły baraćby z admyvańniem hrošaj stali bolš žorstkimi, pradstaŭniki Kima pieraviali ich u Luksiemburh.
Jak ličać vyviedniki, hetyja hrošy źjaŭlajucca prybytkam ad roznych niezakonnych apieracyj paŭnočnakarejskaha kiraŭnictva, u tym liku ad prodažu jadziernych i rakietnych technałohij, narkotykaŭ, machinacyj sa strachavańniem i vykarystańnia pracy źniavolenych.
Pradstaŭniki Luksiemburha adznačajuć, što na hrašach, jakija raźmieščanyja ŭ bankach ich krainy, nie napisana, što hetyja hrošy z Paŭnočnaj Karei. Pavodle ich śćvierdžańnia, źviony hrašovych łancuhoŭ niezakonnymi strukturami zvyčajna paśpiachova chavajucca.
Nahadajem, raniej ŚMI sa spasyłkaj na śpiecsłužby paviedamlali, što Kim Čen Ir pieranios insult, paśla čaho jaho nibyta skavaŭ paralič. Ź ciaham času ŭ Paŭdniovaj Karei i ZŠA pryznali praŭdzivymi paviedamleńni ab palapšeńni stanu zdaroŭja dyktatara. U 2009 hodzie ahienctva Renchap sa spasyłkaj na krynicy, jakija dobra infarmavanyja ab situacyi ŭ Paŭnočnaj Karei, paviedamiła, što lider KNDR prapanavaŭ svajho treciaha syna Kim Čen Una ŭ jakaści svajho pierajemnika.
Samym vierahodnym prystankam Kim Čen Ira na vypadak uciokaŭ ličycca Kitaj.U kancy studzienia The Daily Telegraph napisała, što ŭ śviatoj dla karejcaŭ hary Pektusan, jakaja znachodzicca na miažy z Kitajem, jość sakretny bunkier. Uvachod u bunkier — praz aficyjny dom pryjomaŭ karejskaha lidera.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha6
Kamientary