Hramadstva11

Palitźniavoleny žurnalist Karniej schudnieŭ za kratami na 15 kh i maje prablemy z sercam

18 lutaha ŭ Mahiloŭskim abłasnym sudzie adbudziecca razhlad apielacyi palitviaźnia, byłoha žurnalista «Radyjo Svaboda» Ihara Karnieja.

U śniežni 2024 hoda Škłoŭski rajonny sud dadaŭ Iharu Karnieju jašče 10 miesiacaŭ źniavoleńnia za «niepadparadkavańnie administracyi papraŭčaj ustanovy» (art. 411 Kryminalnaha kodeksa) u dadatak da 3 hadoŭ kałonii, jakija jamu prysudziŭ sud Minska ŭ 2024 hodzie.

Akramia taho, žurnalistu prysudzili štraf 20 tysiač rubloŭ. Ihar Karniej abskardziŭ prysud.

Ihar Karniej adbyvaŭ pakarańnie ŭ škłoŭskaj kałonii № 17, a sa śniežnia 2024 hoda znachodzicca ŭ mahiloŭskim SIZA.

Pavodle daśviedčanaj krynicy, z mahiloŭskaha SIZA palitviaźnia na niekalki dzion pryvozili ŭ SIZA KDB u Minsku, adkul jaho znoŭ viarnuli ŭ Mahiloŭ.

«Pisaŭ, što ŭ SIZA KDB trapiŭ da lekara, tam pasłuchali serca, paćvierdzili, što nie vielmi roŭny rytm, vypisali valarjanku. Jašče napisaŭ, što paśla škłoŭskaj kałonii schudnieŭ na 15 kh, zaraz trochi adjadajecca ŭ Mahilovie», — paviedamiła krynica pra Ihara Karnieja.

Pavodle krynicy, na ŭmovy ŭ kamiery jon nie skardzicca, šmat čytaje i razmaŭlaje z sukamiernikami.

Z palitviaźniem Iharam Karniejem niama telefonnaj suviazi, ale listy ad jaho dachodziać.

Adzin z apošnich adrasavany dočkam, jakich u Ihara čatyry.

«Darahija dačuški! Samaje vialikaje majo žadańnie vielmi prostaje: kab vas u samastojnym žyćci lubili, canili i pavažali — hetak ža, jak my z mamaj. Spadziajusia, što tak i budzie, bo vy zasłužyli tolki ŭźniosłaje staŭleńnie — pryhožyja, talenavityja, spahadlivyja. Ja, u svaju čarhu, za svaju «kamandziroŭku» pa roznych ustanovach šmatrazova pierakanaŭsia, što takoj družnaj vialikaj siamjoj niama kamu i pachvalicca. Tak što ŭžo na hetym etapie nia budzie pierabolšvańniem adrapartavać pra pośpiech našaj ahulnaj misii, choć dla vas, biezumoŭna, usio samaje cikavaje i nasyčanaje jašče napieradzie. Udačy i asałody na ŭsim šlachu», — pažadaŭ Ihar svaim dočkam Palinie, Hańnie, Alaksandry i Jevie.

Dočki i žonka Ihara Karnieja Ina paśla jahonaha aryštu vyjechali za miežy Biełarusi.

Kamientary1

  • :
    18.02.2025
    Podonki.

Ciapier čytajuć

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom

Usie naviny →
Usie naviny

Minzdaroŭja baicca, što pakistancy pryviazuć u Biełaruś lichamanki Krym-Konha i Čykunhuńja8

Videa, u jakim kiraŭnik Kryčava prasiŭ žycharoŭ achviaravać na prypynki, vydalili paśla rezanansu1

Ad 5 rubloŭ za štuku i bukiety da 45 rubloŭ. Na Kamaroŭcy zaćvili pivoni

Na terytoryi Biełarusi zabłakavali tyktok-kanały Cichanoŭskaj i Łatuški15

Łatvija razvaročvaje pasažyrskija aŭtobusy i viartaje ich u Biełaruś. Voś u čym pryčyna16

U finskim sieryjale rasijanie vysadžvajuć desant z samalota «Biełavija». Što robiać Suomi?9

Suśvietny bank prahnazuje najhoršaje dziesiacihodździe dla hłabalnaha rostu z 1960-ch hadoŭ2

Markiełaŭ, Nahornaja i Hudzilin adkryvajuć u Vilni prastoru z łaźniaj8

Miadzinski choča adpravić hiensaku NATA padručnik historyi, kab dakazać, što «Ukrainy ŭ XII stahodździ nie było»16

bolš čytanych navin
bolš łajkanych navin

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom

Hałoŭnaje
Usie naviny →

Zaŭvaha:

 

 

 

 

Zakryć Paviedamić