Ńju-Jorkski zaapark pradaje z aŭkcyjonu karciny, namalavanyja žyviołami
Zaapark u Ńju-Jorku pradstaviŭ papiaredni ahlad niekatorych tvoraŭ mastactva, jakija buduć dastupnyja na zapłanavanym nieŭzabavie hała-aŭkcyjonie: karciny, stvoranyja žyviołami, uklučajučy pinhvinaŭ, žyrafaŭ, laniŭcaŭ, kapibar i inšych, piša vydańnie Upi.
Park pryhod z žyviołami i zapaviednik (Animal Adventure Park and Preserve) u Charpurśvile abviaściŭ, što mierapryjemstva «Vialikija mary: viečar u horadzie» (Dream Big Gala: Night Out on the Town), zapłanavanaje na 15 sakavika, budzie ŭklučać u siabie aŭkcyjon tvoraŭ mastactva, stvoranych niekalkimi vidami žyvioł, jakija žyvuć u zaaparku.
Dahladčyki zaparka vykarystoŭvajuć roznyja mietady, kab zaachvočvać žyvioł da malavańnia jak zajmalnaha zaniatku.
«Z našymi pinhvinami samy prosty sposab prymusić ich malavać — heta ježa», — raskazała WBNG-TV dahladčyca Mikajła Kanuej.
«Jany vielmi matyvavanyja ježaj, ale kali ŭ niejki dzień im nie chočacca reahavać na ježu, to tady haniajucca za łaziernaj ukazkaj».
Zoopark apublikavaŭ u sacyjalnych sietkach niekalki papiarednich fota, na jakich pinhviny, kapibary, laniŭcy i žyrafy malujuć.
«Našyja mastaki staranna pracujuć, dadajučy apošnija štrychi da svaich šedeŭraŭ dla aŭkcyjonu Animal Art Auction», — havorycca ŭ paviedamleńni.
Tyja, chto nie zmoža prysutničać na mierapryjemstvie, zmohuć rabić staŭki ŭ anłajn-farmacie, paviedamiŭ zaapark.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary