«Niama dokazaŭ taho, što rasijskija ŭłady ci vajskoŭcy ździajśniajuć u krainie efiektyŭny kantrol».
U novym vypusku TOKu viadomaja jurystka, byłaja zahadčyca kafiedry mižnarodnaha prava fakulteta mižnarodnych adnosin BDU Kaciaryna Dziajkała patłumačyła, čamu nielha ličyć Biełaruś akupavanaj.
Dziajkała adznačaje, što z punktu hledžańnia mižnarodnaha prava Biełaruś nie akupavanaja terytoryja, bo adsutničaje asnoŭny kryteryj, jaki ab hetym moh by śviedčyć — efiektyŭny kantrol z boku inšaj dziaržavy.
«Asnoŭnaja prykmieta akupacyi kimści niejkaj terytoryi — toje, što hety niechta ažyćciaŭlaje efiektyŭny kantrol nad terytoryjaj. «Efiektyŭny kantrol» aznačaje, što ŭłada moža vydavać zakony i zabiaśpiečvać ich vykanańnie ludźmi. Nu i zabiaśpiečvaje funkcyjanavańnie ŭvohule ŭsiaho, što funkcyjanuje na terytoryi ŭsioj dziaržavy. Heta ŭ tym liku i toje, što joj padparadkoŭvajecca miascovaja ŭłada», — tłumačyć Dziajkała.
Pa słovach ekśpierta, ułada nad terytoryjaj vyznačajecca nie jurydyčnymi farmalnaściami, a faktyčnym kantrolem. Chto realna kiruje terytoryjaj, chto na joj usio robić, toj za ŭsio i adkazvaje. Ź im damaŭlajucca, da jaho pradjaŭlajuć pretenzii, kali niešta adbyvajecca z hetaj terytoryjaj ci ź jaje.
«I tamu, kaniečnie, my nie možam skazać, što rasijskija vojski ci tym bolš hramadzianskija ŭłady akupavali terytoryju Biełarusi — tamu što jany nie ažyćciaŭlajuć tam efiektyŭny kantrol. Toje, što tam znachodziacca vajskovyja bazy, i na hetych vajskovych bazach, biezumoŭna, kantralujucca ŭsio rasijanami, nu dyk na luboj zamiežnaj vajskovaj bazie kantralujecca ŭsie vajskoŭcami hetaj krainy. I niama dokazaŭ taho, što hetyja vajskoŭcy ažyćciaŭlajuć u Biełarusi niejkuju dolu efiektyŭnaha kantrolu», — davodzić Dziajkała.
Hladzicie całkam:
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy9
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary
razumnaja žančyna. daśviedčany śpiecyjalist. daviadziecca pahladzieć intervju)
Pytańnie da byłoj zahadčycy kafiedry mižnarodnaha prava fakulteta mižnarodnych adnosin BDU Kaciaryny Dziajkała:
Chto ad Biełarusi budzie prysutničać na hetych pieramovach?
Adkaz: nichto.
Łukašenku na hetyja pieramovy nie zaprosiać.
Chto budzie vyrašać los Biełarusi na tych pieramovach? Adkaz: Pucin.
Dyk pad čyim kantrolem Biełaruś?