Stryžak raspavioŭ, kolki zvarotaŭ atrymaŭ BYSOL za 4 dni praz uzłom «Biełaruskaha hajuna»
Bolš za 150 zvarotaŭ pryjšło za čatyry dni na haračuju liniju @help_bysol pa pytańniach, źviazanych z «Biełaruskim Hajunom». Pra heta paviedamiŭ kiraŭnik słužby Andrej Stryžak.
«Dajem kansultacyi, pieranakiroŭvajem na partnioraŭ, adpraŭlajem na evak [evakuacyju] pry pilnaj patrebie», — napisaŭ jon.
Pra ŭzłom prajekta stała viadoma 5 lutaha — akaŭnt, jaki, miarkujučy pa ŭsim, naležaŭ supracoŭniku HUBAZiK, uvajšoŭ u zakryty čat redaktaraŭ supołki «Biełaruski Hajun». Paśla hetaha adtul byli vyhružanyja paviedamleńni.
«Biełaruski Hajun» — manitorynhavy OSINT-prajekt, jaki adsočvaje vajennuju aktyŭnaść rasijskich i biełaruskich vojskaŭ. Manitorynhavaja hrupa była stvoranaja pierad pačatkam rasijska-ŭkrainskaj vajny aktyvistam Antonam Matolkam.
7 lutaha prajekt spyniŭ pracu.
Za minuły hod BYSOL arhanizavaŭ 228 vyjezdaŭ — jak adzinočnych, tak i evakuacyj siemjaŭ ź dziećmi.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak43
Kamientary