Kitaj, imavierna, pabudavaŭ samuju vialikuju ŭ śviecie padłodku-bieśpiłotnik
Kitaj praciahvaje ŭražvać svajoj chutkaściu madernizacyi vajskova-marskoha fłotu. Čarhovaja niečakanaść — novaja bieśpiłotnaja padvodnaja stełs-łodka ź niezvyčajnaj kanstrukcyjaj, jakuju ŭdałosia zafiksavać vypadkova padčas spadarožnikavaha nazirańnia za kitajskimi sudnavierfiami.
Novuju sakretnuju kitajskuju padvodnuju łodku zaŭvažyli na adnoj z sudnavierfiaŭ kala horada Huančžoŭ, jakuju raniej nie ličyli placoŭkaj dla budaŭnictva submaryn, piša vydańnie Naval News.
Zachad, jak adznačaje vydańnie, zvyčajna daviedvajecca pra novyja padvodnyja łodki svaich supiernikaŭ jašče na stadyi ich prajektavańnia, ale Kitaj u hetym płanie zusim inšy hulec. Jon rehularna stvaraje karabli, jakija analityki zaŭvažajuć tolki dziakujučy spadarožnikavym zdymkam. Novaja submaryna — nie vyklučeńnie.
«Pavodle papiarednich acenak, daŭžynia korpusa łodki składaje prykładna 45 mietraŭ, a dyjamietr — 5 mietraŭ. Charakternaja asablivaść kanstrukcyi — kryžapadobnaje raźmiaščeńnie ruloŭ na karmie i adsutnaść rubki nad korpusam padłodki. Vierahodna, heta zroblena dla pavyšeńnia hidradynamičnych pakazčykaŭ, manieŭranaści i niezaŭvažnaści. Adsutnaść rubki taksama namiakaje na toje, što novaja łodka, chutčej za ŭsio, abychodzicca biez ekipaža.
Pry hetym jość prykmiety najaŭnaści tarpiednych kompleksaŭ i sanara, što pieravodzić sudna ŭ kłas bajavych karabloŭ», — miarkujuć zachodnija analityki.
U takim vypadku padłodka zdolnaja paražać nadvodnyja i padvodnyja sudny. Inšaje tłumačeńnie pryznačeńnia łodki — śpiecapieracyi abo inšyja dyviersijnyja dziejańni na marskim dnie.
Kali ŭsie hetyja papiarednija acenki atrymajuć paćviardžeńnie, to pierad nami — samaja vialikaja ŭ śviecie bieśpiłotnaja submaryna, u 6-8 raz bolšaja za anałahičnuju amierykanskuju bieśpiłotnuju padłodku Orca ad kampanii Boeing, piša Naval News.
Akramia taho, novaja kitajskaja padłodka, jak śviedčać danyja analitykaŭ, źjaŭlajecca mienšaj kopijaj jašče adnoj kitajskaj bieśpiłotnaj submaryny biez rubki (50 mietraŭ u daŭžyniu), jakuju tajemna spuścili na vadu ŭ 2019 hodzie. Taja madel nie mieła nijakich uzbrajeńniaŭ i, jak ličycca, była tolki ekśpierymientalnym uzoram na šlachu stvareńnia novych kitajskich padvodnych sistem.
U Kitai budujecca samy vialiki kamandny štab u śviecie dla patencyjnaj jadziernaj vajny
Niešta nie sychodzicca: Kitaj moža chłusić śvietu pra svoj realny vajskovy biudžet
ZŠA ci Kitaj — chto vyjdzie pieramožcam u vajnie technałohij? Biełaruski ekanamist nie sumniajecca ŭ adkazie
Zapazyčanaść Kitaja rezka pieravysiła zapazyčanaść ZŠA
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary