U Kitai budujecca samy vialiki kamandny štab u śviecie dla patencyjnaj jadziernaj vajny
Novy budynak budzie ŭ 10 razoŭ bolšy za amierykanski Pientahon i budzie źmiaščać supierbunkier dla kiraŭnictva Kampartyi Kitaja, paviedamlajuć śpiecsłužby ZŠA sa spasyłkaj na raźvieddanyja i spadarožnikavyja zdymki.
Novy abjekt kitajskija vajskoŭcy budujuć za 30 kiłamietraŭ na paŭdniovy zachad ad Piekina, na płoščy kala 607 hiektaraŭ.
Niahledziačy na toje, što aficyjnych paćvierdžańniaŭ budaŭnictva z kitajskaha boku niama, vydańnie Financial Times sa spasyłkaj na dziejučych i byłych amierykanskich čynoŭnikaŭ paviedamlaje, što hety miehaprajekt užo atrymaŭ umoŭnuju nazvu Beijing Military City («Piekinski vajskovy horad»).
Spadarožnikavyja zdymki pakazvajuć, što aktyŭnaje budaŭnictva kompleksu pačałosia ź siaredziny 2024 hoda. Amierykanskija analityki vyjavili na zdymkach nie tolki sotniu budaŭničych kranaŭ, ale i hłybokija katłavany, dzie, vierahodna, budzie źmiaščacca vielmi ŭmacavanaja padziemnaja infrastruktura.
Pavodle CRU i inšych słužbaŭ, novy kitajski kompleks moža stać «samym vialikim u śviecie kamandnym centram na vypadak vajny» — miesca, adkul kiraŭniki Kitaja (u tym liku staršynia Kampartyi Si Czińpin) zmohuć biaśpiečna dla siabie kiravać bajavymi dziejańniami, navat kali havorka budzie iści pra jadzierny kanflikt.
«Kali našy raźvieddanyja paćvierdziacca, to my bačym nie prosta płanavaje ŭzmacnieńnie zvyčajnych kitajskich uzbrojenych siłaŭ, a samuju sapraŭdnuju padrychtoŭku da jadziernaj vajny», — kaža były kiraŭnik adździeła analizu dziejańniaŭ Kitaja ŭ CRU Denis Uajłdar, słovy jakoha pieradaje Financial Times.
Inšyja ekśpierty miarkujuć, što padziemnaja infrastruktura kompleksu budujecca takim čynam, kab vytrymać udary supraćbunkiernych bomb. Ale bolš za ŭsio analitykaŭ uražvaje śpieška, ź jakoj kitajskija ŭłady budujuć novy štab. Na ich dumku, maštab prajekta i paskoranyja tempy budaŭnictva mohuć śviedčyć pra vysokuju vierahodnaść chutkaha kitajskaha ŭvarvańnia ŭ Tajvań.
Niešta nie sychodzicca: Kitaj moža chłusić śvietu pra svoj realny vajskovy biudžet
Rasija vynošvaje płany zachopu krain Bałtyi, častki Finlandyi i Narviehii. NATA źmianiaje płany procidziejańnia joj
Jadziernyja mižkantynientalnyja balistyčnyja rakiety robiacca nieprydatnymi našmat chutčej, čym ličyłasia raniej
Raźviedka ZŠA: Biełaruś stała pieradavym vajskovym płacdarmam Rasii21
Kamientary
no vo vriemia jeho durkovatoho piervoho sroka ta žie kacapija spokojno hotoviłaś k vtoržieniju.kitajezy diełajut tožie samoje.