ZŠA ci Kitaj — chto vyjdzie pieramožcam u vajnie technałohij? Biełaruski ekanamist nie sumniajecca ŭ adkazie
Administratyŭny dyrektar Centra ekanamičnych daśledavańniaŭ BEROC Pavieł Daniejka ŭ novym vypusku «Tok» vykazaŭ svajo mierkavańnie pra budučyniu Kitaja.
Pavieł Daniejka zaŭvažyŭ, što ŭ vajnie technałohij pamiž dźviuma krainami Kitaj zajmajecca kradziažom technałohij. Pra toje, kab hetym zajmalisia amierykancy, jon nie čuŭ.
«Jość vielmi prostaja štuka. My biarom handal Kitaja i ZŠA. Bałans na karyść Kitaja. Zadajom pytańnie: kali ničoha nie kuplać u Kitai, Amieryka zmoža heta ŭsio kupić niedzie ŭ inšym miescy? Adkaz «tak».
Ciapier biarom ekspart ZŠA ŭ Kitaj. Kali paŭtorym tuju ž apieracyju: ničoha nie budziem kuplać u ZŠA. Ci zmožam heta ŭsio nabyć u inšych krainach? Adkaz «nie»,
— razvažaje Daniejka i tłumačyć, što jość cełyja błoki pradukcyi, jakija vyrablajucca tolki ŭ ZŠA. Takim čynam, technałahičnaje lidarstva za Złučanymi Štatami, a nie za Kitajem.
Daniejka zaŭvažyŭ, što Fiernan Bradel, jakoha ličać zasnavalnikam sučasnaj ekanamičnaj navuki, paraŭnoŭvaŭ Kitaj z kastrulkaj, na nakryŭcy jakoj pa centry ručka — impieratar. I ŭsie pad im.
«Tabie nielha vyskačyć vyšej za impieratara. Ale tabie i nie daduć upaści. Heta takoje hramadstva, zasnavanaje na kanfucyjanskich idejach. Adna ź ich — «kiravacca najlepšymi ŭzorami» — padryvaje tvorčyja pačatki»,
— raskazvaje Daniejka i dadaje, što ŭ 1990-ch hadach u Kitai było praviedziena apytańnie ŭzroŭniu davieru da ŭładaŭ. Vyniki byli vielmi vysokimi. Ale paźniej vyśvietliłasia, što «Kanfucyj ich prymušaje havaryć, što jany daviarajuć».
Daniejka ličyć, što dalejšaje raźvićcio Kitaja — heta zvarot u sacyjalnym płanie da hetaj kastrulki. «Što jany ciapier i robiać, vysiakajučy miljarderaŭ. A ŭ ekanamičnym płanie heta spynieńnie, stahnacyja.
Jany praskočyli etap raźvićcia, kali tannaja pracoŭnaja siła była klučavym faktaram i [praź jaje] jany atrymlivali dostup da lubych technałohij. Ale ŭsio heta skončyłasia. Ich čakaje doŭhaja stahnacyja. Hetaje hramadstva zusim inšaje, jano pa-inšamu na ŭsio hladzić. Jany ŭžo nie buduć mieć toj dynamiki, jakuju mieli».
Hladzicie całkam:
Ciapier čytajuć
«Čakaju tavar užo 13 dzion». Što pišuć klijenty ab prablemach Wildberries6
Kamientary