ЗША ці Кітай — хто выйдзе пераможцам у вайне тэхналогій? Беларускі эканаміст не сумняецца ў адказе
Адміністратыўны дырэктар Цэнтра эканамічных даследаванняў BEROC Павел Данейка ў новым выпуску «Ток» выказаў сваё меркаванне пра будучыню Кітая.
Павел Данейка заўважыў, што ў вайне тэхналогій паміж дзвюма краінамі Кітай займаецца крадзяжом тэхналогій. Пра тое, каб гэтым займаліся амерыканцы, ён не чуў.
«Ёсць вельмі простая штука. Мы бяром гандаль Кітая і ЗША. Баланс на карысць Кітая. Задаём пытанне: калі нічога не купляць у Кітаі, Амерыка зможа гэта ўсё купіць недзе ў іншым месцы? Адказ «так».
Цяпер бяром экспарт ЗША ў Кітай. Калі паўторым тую ж аперацыю: нічога не будзем купляць у ЗША. Ці зможам гэта ўсё набыць у іншых краінах? Адказ «не»,
— разважае Данейка і тлумачыць, што ёсць цэлыя блокі прадукцыі, якія вырабляюцца толькі ў ЗША. Такім чынам, тэхналагічнае лідарства за Злучанымі Штатамі, а не за Кітаем.
Данейка заўважыў, што Фернан Брадэль, якога лічаць заснавальнікам сучаснай эканамічнай навукі, параўноўваў Кітай з каструлькай, на накрыўцы якой па цэнтры ручка — імператар. І ўсе пад ім.
«Табе нельга выскачыць вышэй за імператара. Але табе і не дадуць упасці. Гэта такое грамадства, заснаванае на канфуцыянскіх ідэях. Адна з іх — «кіравацца найлепшымі ўзорамі» — падрывае творчыя пачаткі»,
— расказвае Данейка і дадае, што ў 1990-х гадах у Кітаі было праведзена апытанне ўзроўню даверу да ўладаў. Вынікі былі вельмі высокімі. Але пазней высветлілася, што «Канфуцый іх прымушае гаварыць, што яны давяраюць».
Данейка лічыць, што далейшае развіццё Кітая — гэта зварот у сацыяльным плане да гэтай каструлькі. «Што яны цяпер і робяць, высякаючы мільярдэраў. А ў эканамічным плане гэта спыненне, стагнацыя.
Яны праскочылі этап развіцця, калі танная працоўная сіла была ключавым фактарам і [праз яе] яны атрымлівалі доступ да любых тэхналогій. Але ўсё гэта скончылася. Іх чакае доўгая стагнацыя. Гэтае грамадства зусім іншае, яно па-іншаму на ўсё глядзіць. Яны ўжо не будуць мець той дынамікі, якую мелі».
Глядзіце цалкам:
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі31
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4343
Каментары