Чым беларускія прадпрымальнікі адрозніваюцца ад рускіх і ўкраінцаў
Аб адрозненні беларускіх бізнэсменаў ад суседзяў, а таксама пра тое, ці сапраўды беларусы навучыліся рабіць толькі трактары, вядомы эканаміст, адміністратыўны дырэктар Цэнтра эканамічных даследаванняў BEROC Павел Данейка паразважаў у новым выпуску «Ток».
Па словах эканаміста, «беларусы ўмеюць вырабляць, украінцы — прадаваць, а рускія — выпампоўваць грошы».
Але чаму ў Беларусі сканцэнтравана вытворчасць самазвалаў і трактароў? Данейка гэта тлумачыць наступным чынам:
«Беларусы як нацыя толькі заканчваюць сваё фармаванне. Рэальна былі супольнасцю тутэйшых. У іх ёсць маса пазітыўных характарыстык — выжывальнасць, працавітасць. Але ёсць і вельмі непрыемная рэч — гатоўнасць класціся пад гаспадара. <…>
Наша наменклатура таксама была тутэйшых характарыстык. Таму ў рамках савецкага размеркавання інвестыцый выцягнулі на Беларусь самыя перспектыўныя інвестыцыі. Тады гэта ў тэхніцы былі аўтамабілі і трактары».
У той жа час Данейка звяртае ўвагу і на іншыя галіны, створаныя ў часы СССР, якія могуць стаць пунктамі росту эканомікі краіны:
«У Савецкім Саюзе ключавыя інвестыцыі — гэта вайна. Нашы беларускія лідары змаглі не мець прамых ваенных інвестыцый, а мець двайныя — оптыка, электроніка. Таму, калі гаварыць пра трактары і МАЗы (яшчэ цягачы ўсе ведаюць), у баку застаецца вельмі магутная хайтэкаўская частка, якая ў Беларусь была ўцягнута. Мы забыліся пра «Інтэграл», БелОМА. Вось галоўныя пункты далейшага росту для Беларусі».
Глядзіце цалкам:
Каментары