U Łunincy pamior piśmieńnik Mikałaj Iljučyk, jaki byŭ taksama pastaram pratestanckaj carkvy. Jamu było 58 hadoŭ.
Mikałaj Iljučyk naradziŭsia 10 krasavika 1966 hoda ŭ vioscy Bahdanaŭka Łuninieckaha rajona.
U 1983—1984 hadach vučyŭsia ŭ HPTV-4 h. Mahilova, u 1993-m skončyŭ Biełaruskuju sielskahaspadarčuju akademiju. Pracavaŭ u kałhasie na pasadzie inžyniera, z 1995 hoda ŭznačalvaŭ avaryjna-vyratavalny post Ministerstva pa nadzvyčajnych situacyjach.
Paźniej pracavaŭ u łuninieckaj niezaležnaj haziecie «Inform-prohułka». Byŭ taksama pastaram adnoj z cerkvaŭ Relihijnaha abjadnańnia chryścijan viery jevanhielskaj.
Drukavaŭsia z paetyčnymi i publicystyčnymi tvorami ŭ presie, aŭtar niekalki zbornikaŭ vieršaŭ, dakumientalnaj apovieści «U pamiaci ŭ daŭhu», pryśviečanaj achviaram Chałakostu na Łuninieččynie.
Akramia taho, vydaŭ knihu dla dziaciej «Cud na Kalady», publicystyčny zbornik «Darahija maje ziemlaki», a taksama dyski ź pieśniami na svaje słovy «Miełodyi dušy» i «Ad ziamli da nieba».
Byŭ siabram Sajuza biełaruskich piśmieńnikaŭ.
Ciapier čytajuć
U Varšavu pryjechała sotnia biełaruskich palitviaźniaŭ15
Kamientary