Forvard zbornaj Partuhalii patłumačyŭ, čamu ličyć siabie najlepšym futbalistam u historyi.
«Ja najlepšy bambardzir, samy daskanały. Najlepšy ŭ historyi? Dumaju, tak, ja nie bačyŭ nikoha lepšaha za siabie. Ja kažu heta ad čystaha serca», — cytuje słovy Ranałdu Marca.
«Ludziam padabajucca Miesi ci Maradona, i ja pavažaju heta, ale ja samy daskanały ź ich. Ja najlepšy hulec u historyi. Ja nie bačyŭ nikoha lepšaha za siabie… Ja dobra hulaju hałavoj, vydatna prabivaju štrafnyja, ja chutki, mocny, šmat skokaju», — zajaviŭ Kryšcijanu.
Ranałdu źjaŭlajecca piacirazovym pieramožcam Lihi čempijonaŭ i maje ŭ svaim aktyvie piać «Załatych miačoŭ». U składzie zbornaj Partuhalii jon staŭ čempijonam Jeŭropy ŭ 2016 hodzie i pieramožcam Lihi nacyj UEFA ŭ 2019 hodzie.
Kryšcijanu Ranałdu pačynaŭ karjeru ŭ partuhalskim «Sportynhu», dvojčy hulaŭ na «Mančester Junajted», taksama vystupaŭ za «Reał» i «Juvientus». Uzimku 2023 hoda pierajšoŭ u saudaŭski «Al-Nasr». 31 studzienia jon staŭ pieršym futbalistam u historyi, jaki vyjhraŭ 700 matčaŭ na vyšejšym kłubnym uzroŭni.
Zaŭtra jamu spoŭnicca 40 hadoŭ.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary