U 2022 hodzie Załužny prapanoŭvaŭ nastupać na Biełharad, kab abaranić Charkaŭ
Daradca i kansultant byłoha hałoŭnakamandujučaha USU Valeryja Załužnaha hienierał-major Viktar Nazaraŭ raspavioŭ VVS, što ŭ 2022 hodzie Załužny prapanoŭvaŭ pravieści apieracyju na terytoryi RF. Tady, pavodle jaho słoŭ, havorka išła ab Biełharodskaj vobłaści, kab pazbavić supiernika mahčymaści bić pa Charkavie.
«Darečy, hetaja [Kurskaja] apieracyja nie ŭnikalnaja… Jak paŭstała ideja hetaha nastupu? Jašče kali byŭ Załužny, u śniežni 2022 hoda, na adnoj z narad, dzie prysutničaŭ ja, u aparacie SNBA, my takija rychtavali prapanovy, i ja ŭ ich asabista ŭdzielničaŭ… Ja viedaju dakładna, što Valeryj Fiodaravič na adnym z pasiadžeńniaŭ u SNBA, jon ahučyŭ hetyja apieracyi, jakija faktyčna zaraz my nazirajem. Pakolki heta ŭžo adbyvajecca, ja dumaju, što heta nie tajamnica, my možam pra heta skazać…
Tady ŭ tym varyjancie, jaki my ahučvali, tam išła razmova ab Biełharodskaj vobłaści. Mienavita prapanoŭvalisia takija kirunki dziejańniaŭ dla taho, kab stvaryć vielmi surjoznuju pahrozu sapierniku», — raspavioŭ hienierał.
Pa słovach Nazarava, havorka išła pra akružeńnie ci błakavańnie Biełharada, kab pazbavić sapiernika mahčymaści nanosić udary pa Charkavie i stvaryć pahrozu paŭnočna-ŭschodniamu fłanhu pastaŭki materyjalnych resursaŭ dla toj hrupoŭki, jakaja dziejničaje na Danbasie.
Nazaraŭ dadaŭ, što tady hetyja płany nie byli realizavany, a Załužnaha paśla hetaha źniali z pasady: «U mianie skłałasia ŭražańnie, što jany nie zacikavili nikoha. A potym pačałosia toje, što pačałosia i voś toje, što my bačyli na praciahu 2024 hoda».
Na dumku hienierała, ukrainskaja apieracyja na Kurščynie była praviedziena paśpiachova: «Kali paraŭnoŭvać z kontrnastupleńniem 2023 hoda — jana była praviedziena amal pa ŭsich kanonach vajennaha mastactva. Byŭ dasiahnuty faktar raptoŭnaści. Heta trymałasia ŭ maksimalnaj tajamnicy da apošniaha dnia. Było niečakana dla sapiernika nie tolki z punkta hledžańnia taktyčnych nastupstvaŭ, ale i apieratyŭnych», — skazaŭ jon.
Na jaho dumku, Kurskaja apieracyja pryciahnuła za saboj imidžavyja bonusy dla USU.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES11
Kamientary