Hieołahi z Univiersiteta Hiotynhiena vyvučyli tektaničnyja pracesy na styku Aravijskaj i Jeŭrazijskaj plit i vyjavili, što ŭ hetym rehijonie pačaŭsia razłom ziamnoj kary. Daśledčyki vyśvietlili, što reštki staražytnaha akijaničnaha dna praciahvajuć apuskacca ŭhłyb ziamli, ale ŭ adnym miescy hety praces spyniŭsia — i tam pačałosia ŭźniaćcie parod, piša Bild.
«Heta pakazvaje na toje, što akijaničnaja plita ŭ hetaj zonie ŭžo adarvałasia i pierastała ciahnuć ziamnuju karu ŭniz», — patłumačyŭ viadučy aŭtar daśledavańnia doktar Renas Košnau.
Adnak pad Zahroskimi harami na paŭnočnym zachadzie Iraka hety praces praciahvajecca: ziamnaja kara tut praciahvaje apuskacca, utvarajučy ŭpadzinu hłybinioj 3-4 kiłamietry.
Hieołahi miarkujuć, što razłom budzie pašyracca ŭ bok Iraka, padobna tamu, jak adryŭ lista kalendara pačynajecca z adnaho boku i pastupova raspaŭsiudžvajecca dalej. Niahledziačy na takija źmieny, navukoŭcy nie bačać surjoznaj pahrozy.
«U rajonach, dzie razłom užo adbyŭsia, kolkaść ziemlatrusaŭ navat źnižajecca», — adznačyŭ prafiesar Jonas Klej.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary