Prostaja žančyna ź vioski na Minščynie źbiraje svaimi tancami miljony prahladaŭ u tyktoku
Biełaruskaja tyktokierka Taćciana, zdajecca, rušyć usie šabłony taho, jak pavinna vyhladać zorka sacsietak. Jana nie maje instahramnaha doma, zatoje maje armiju prychilnikaŭ.
U tyktok-akaŭncie tanechka_hah vy nie znojdziecie raspakovak modnych brendaŭ, ahladaŭ darahich kram ci zamiežnych vandrovak. Svaje roliki Taćciana zdymaje, chutčej za ŭsio, na prosty smartfon.
U rolikach jana zvyčajna tančyć pad rasijskuju papsu. Abo padpiavaje joj.
Anałahičnych akaŭntaŭ, zdajecca, tysiačy ŭ tyktoku. Ale ž nie kožny ź ich maje stolki prychilnikaŭ. Na biełarusku ź vioski na Minščynie padpisanyja bolš za 64 tysiačy čałaviek, a jaje samaje papularnaje videa nabrała 2,9 miljona prahladaŭ.
Vierahodna, sakret papularnaści zvyčajnaj biełaruskaj žančyny ŭ ščyraści. A moža, i va ŭnutranaj svabodzie. Taćciana tančyć i śpiavaje tak, jak joj chočacca, nie azirajučysia na toje, chto što skaža. Jana časta zapisvaje roliki, stojačy na raździaŭbanaj viaskovaj darozie, na fonie haraža ci ŭ kabinie traktara. A to i ŭ minskim aŭtobusie.
Jašče adzin cikavy fienomien tyktokierki: u jaje chapaje prychilnikaŭ, a voś chejtaraŭ niašmat. Daŭnija fanaty ŭžo vitajucca ŭ kamientaryjach i žartujuć, što zajmajuć adno adnamu miescy na jaje kancercie (mienavita tak nazyvajuć kožny rolik Taćciany ŭ tyktoku). «Ja ŭžo nie Taniu rada bačyć, a ŭsich vas, pastajannyja fanaty. My praktyčna rodnyja ludzi!» — pad hetym kamientaryjem sabrałasia 886 łajkaŭ.
Lubiać žančynu nie tolki ŭ Biełarusi — chapaje kamientaryjaŭ, naprykład, na ŭkrainskaj movie. Žančyny sa Lvova, Charkava, Kijeva, Žytomira pišuć, što ŭ ich jość fan-kłuby Taćciany.
A prychilniki ź Biełarusi dasyłajuć žančynie padarunki. Niechta navat pryjazdžaje da Taćciany, kab zrabić sumiesnaje videa.
Dziaŭčyna arandavała na dzień narodzinaŭ zamak pad Minskam — i ŭzarvała tyktok
«Usie žančyny marać pra haściavy šlub». Prybiralščyca ź Minska bačycca z mužam tolki na vychodnych i ličyć hetu schiemu idealnaj
«Pierahar na ŭvieś kabiniet». Błohierka paskardziłasia na doktara, jaki admoviŭ joj u balničnym. U historyju ŭmiašałasia Minzdaroŭja
Biaspłatnaja arenda: biełaruski nabyvajuć adzieńnie ŭ kramie, a paśla mierapryjemstva viartajuć
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary