U Homieli siemiarych padletkaŭ buduć sudzić za ŭdzieł u «ekstremisckim farmavańni» «Duch Rusi»
Telehram-kanał «Duch Rusi» KDB pryznaŭ ekstremisckim farmiravańniem 4 śniežnia. Radyjo Svaboda stała viadoma, što mierkavanyja stvaralniki i ŭdzielniki «farmavańnia» ŭžo šeść miesiacaŭ znachodziacca za kratami.
U śniežni 2024 hoda Kamitet dziaržaŭnaj biaśpieki pryznaŭ ekstremisckim farmavańniem telehram-kanał «Duch Rusi», u jakoha na toj momant było 12 padpisčykaŭ.
«Za hety telehram-kanał u Homieli aryštavali jašče šeść miesiacaŭ tamu siemiarych padletkaŭ, usie jany pad vartaj u SIZA. Płanujecca, što sud pačniecca nie raniej za viasnu 2025 hoda», — raskazała «Svabodzie» krynica, znajomaja ź situacyjaj.
Surazmoŭca źviarnuŭ uvahu, što zatrymańni adbylisia raniej, čym KDB pryznaŭ telehram-kanał «ekstremisckim farmavańniem».
Pa słovach krynicy, usie zatrymanyja — niepaŭnaletnija.
Sprava rasśledujecca pavodle art. 361-1 Kryminalnaha kodeksa (stvareńnie ekstremisckaha farmavańnia ci ŭdzieł u im). KDB paličyŭ, što niepaŭnaletnija stvaryli telehram-kanał, «nakiravany na reabilitacyju nacyzmu».
Zatrymanym pahražaje da 7 hadoŭ pazbaŭleńnia voli.
U zhadanym telehram-kanale byŭ apublikavany kantent, źviazany z nacysckaj ideałohijaj, u tym liku zdymki z vyjavami Adolfa Hitlera, zhadki pra rasijskaha nieanacysta Ciesaka (Maksima Marcynkieviča), vyjavy svastyki, šavinisckija i rasisckija vykazvańni.
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Łukašenka