Hramadstva88

Stryžak: «Bajsoł» štohod atrymlivaje achviaravańni ad 25 tysiač čałaviek

Za danaty hetamu fondu salidarnaści režym pieraśleduje ludziej.

Fond salidarnaści «Bajsoł» štohod atrymlivaje achviaravańni ad 25 tysiač čałaviek, paviedamiŭ 26 studzienia kiraŭnik arhanizacyi Andrej Stryžak na forumie «Biełarusy hodnyja lepšaha», jaki prachodzić u Varšavie, piša «Pozirk».

«Rabicie heta, rabicie bolš, tamu što heta i jość asnova našaj ustojlivaści, heta i jość asnova našaj budučyni. Praz salidarnaść my dakazvajem, što nam nie ŭsio roŭna, što kožny z nas maje značeńnie. U hetym jość roźnica pamiž dziaržavaj i nami», — skazaŭ Stryžak.

27 śniežnia 2024 hoda fond paviedamiŭ, što ŭ minułym hodzie im byŭ adkryty 251 piersanalny zbor.

«Nam razam udałosia sabrać 619 363 jeŭra na dapamohu ludziam. Usie hetyja hrošy patrapili adrasatam. Fond nie biare nijakich pravizij abo pracenta ad dapamohi na zborach», — padkreślivałasia ŭ publikacyi.

Fond dziejničaje z 2020 hoda. Akramia zboru achviaravańniaŭ dla paciarpiełych ad represij i dobraachvotnikaŭ va Ukrainie, zajmajecca evakuacyjaj biełarusaŭ, jakija znachodziacca ŭ niebiaśpiecy, dapamahaje palitviaźniam i ich siemjam, a taksama vyzvalenym u adaptacyi ŭ novaj krainie. Pryznany «ekstremisckim farmiravańniem». U dačynieńni da suzasnavalnika fonu Andreja Stryžaka i jahonaha paplečnika, kiraŭnika fondu «Bajchełp» Alaksieja Lavončyka ŭ Biełarusi raspačatyja niekalki kryminalnych spraŭ, viadziecca śpiecvytvorčaść.

Kamientary8

  • Vafieł
    26.01.2025
    Heta 90% tolki tyja chto źjechali. Bolšaść nia vydajuć jak zrabić zamiežnuju kartku jak papoŭnić jaje kryptavalutaj.
  • 1
    26.01.2025
    Cikava, a ci jość biełaruskija inicyjatyvy, jakija dapamahajuć Ukrainie? Naprykład, nabyvajuć drony ci aŭtamabili, amunicyju ci mied. abstalavańnie, dapamahajuć vieteranam..? Ci my tolki "Marafony salidarnaści" vučymsia pravodzić? Sumna. Akramia biełaruskich dabraachvotnikaŭ i niekalkich analitykaŭ, zdajecca, biełarusam niama čaho i prapanavać narodu Ukrainy. Što robiać Śviatłana Cichanoŭskaja i inšyja dla Ukrainy? Infarmavańnie, zvaroty, pikiety za Ukrainu – važna. Kali my płanujem, kab i za nas zmahalisia, kali čas pryjdzie. My nie majem prava adsižvacca, kali chacim zvacca bratami. Trampu treba davodzić, čamu Ukrainu treba ratavać, tłumačyć, jak źviazany Ukraina i Biełaruś... SALIDARNAŚĆ.
  • Supakojsia
    27.01.2025
    1, biełarusy pavinny dapamahać biełarusam! Ukrainie dapamahaje ŭvieś śviet, a biełarusam na kaho raźličvać?! Nienarmalnaja situacyja była ŭ pačatku vajny, kali biełarusy źviartalisia pa dapamohu ŭ dyjaspary, a im kazali "oj, a my ŭsio Ukrainie pieraličyli".
    Biełarusy pamirali i pamirajuć, zmahajučysia za Ukrainu - pačynajučy z Majdana. Kolki ŭkraincaŭ zmahalisia za Biełaruś u 2020? Kolki ukraincaŭ, z tych dziasiatkaŭ tysiač, jakija žyvuć u Biełarusi, u 2022 vyšli pratestavać suprać takoho, što "rakiety laciać"?
    Chopić užo viešać na nas adkaznaść za ŭvieś śviet. Hałoŭnaje, čamu biełarusy mohuć pavučycca ŭ ukraincaŭ - stavić svaju krainu na pieršaje miesca

Ciapier čytajuć

Kiełah płanuje pajezdku ŭ Biełaruś i sustreču z Łukašenkam

Kiełah płanuje pajezdku ŭ Biełaruś i sustreču z Łukašenkam

Usie naviny →
Usie naviny

Šmatdzietnaha baćku-viernika pryznali jašče i terarystam1

Kampanija Trampa budzie vypuskać imiannyja mabilniki ź cikavym taryfnym płanam2

Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja2

Biełaruski eks-ministr pryros aktyvam u Polščy, ale nie zabyvaje pra Rasiju3

Pad Danieckam rasijski vajskoviec złaviŭ žonku z paluboŭnikam, vyviez jaho ŭ pole i rasstralaŭ z aŭtamata7

Iłan Mask apublikavaŭ vyniki analizaŭ mačy na narkotyki5

Rasijanin vyskačyŭ u Litvie ź ciahnika padčas ruchu, jaho šukaje palicyja1

Jak adroźnić časovaje vypadzieńnie vałasoŭ ad abłysieńnia? Tłumačyć trychołah

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej23

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam

Kiełah płanuje pajezdku ŭ Biełaruś i sustreču z Łukašenkam

Hałoŭnaje
Usie naviny →

Zaŭvaha:

 

 

 

 

Zakryć Paviedamić