Parłamienckaja frakcyja partyjnaha abjadnańnia «Novaje adzinstva», da jakoha naležyć i premjer-ministarka krainy Evika Silinia, padała na razhlad u Siejm zakonaprajekt, jaki abmiažoŭvaje ździełki, što pahražajuć nacyjanalnaj biaśpiecy, piša Delfi.lv. Siarod inšaha hety prajekt zakranaje i intaresy biełarusaŭ.
Zakonaprajekt praduhledžvaje ŭviadzieńnie zabarony na nabyćcio nieruchomaści ŭ Łatvii hramadzianam Rasii i Biełarusi, a taksama jurydyčnym asobam, jakija znachodziacca ŭ vałodańni takich hramadzian.
Metaj zakonaprajekta zajaŭlena niedapuščeńnie škodnaj i niebiaśpiečnaj z punktu hledžańnia dziaržaŭnych intaresaŭ dziejnaści, a taksama supraćstajańnie abychodžańniu sankcyj.
Zakonaprajekt tyčycca jak niepasredna hramadzian Rasii i Biełarusi, tak i jurydyčnych utvareńniaŭ, stvoranych u hetych krainach, a taksama tych, čyje realnyja bienieficyjary — ich hramadzianie.
Abmiežavańni nie buduć raspaŭsiudžvacca na tych asob, jakija atrymali status pastajannaha žychara Jeŭrapiejskaha sajuza abo dazvoł na pastajannaje znachodžańnie ŭ Łatvii ŭ adpaviednaści z patrabavańniami Zakona «Ab imihracyi».
Zakonaprajekt byŭ raspracavany ŭ supracoŭnictvie ź Ministerstvam justycyi i Ministerstvam zamiežnych spraŭ.
«Va ŭmovach hibrydnaj vajny, kab abaranić demakratyčnuju pravavuju dziaržavu i ŭmacavać biaśpieku našaj krainy, nieabchodna ŭklučyć u pravavoje rehulavańnie patrebnyja instrumienty. My dziejničajem previentyŭna, kab vyklučyć lubyja mahčymaści ŭmiašańnia Rasii i Biełarusi ŭ našy ŭnutranyja spravy», — patłumačyła parłamienckaja sakratarka Ministerstva justycyi Łauma Paehkałna.
U Łatvii biełarusam chočuć zabaranić pracavać u kiravańni krytyčnaj infrastrukturaj
U Łatvii chočuć abaviazać biełarusaŭ dekłaravać na miažy metu naviedvańnia krainy
Tryumf Łatvii: animacyjny film pra kata vyjaviŭsia lepšym navat za mulcik ad Pixar, samy kasavy ŭ historyi
Biełarusa nie puścili ŭ Łatviju «pa mierkavańniach biaśpieki»
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary