Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina
Tatuiroŭki, jakija zrabiła sabie 50‑hadovaja biełaruska pa ŭsim ciele, uražvajuć.
Fotazdymki svaich tatuirovak (a ich u žančyny sapraŭdy šmat) Alena Chamiakova publikavała ŭ roznych sacyjalnych sietkach.
Amal na hrudziach 50‑hadovaj biełaruski zhadany Łukašenka: «A. G. Lukashenko 30.08.1954 r.p. Commander-in-chief armed forces and national president of Republic Belarus» («A. H. Łukašenka, 30.08.1954 h.n. Hałoŭnakamandujučy ŭzbrojenymi siłami i nacyjanalny prezident Respubliki Biełaruś»). Pobač — čyrvona-zialony ściah.
Nižej Alena vyrašyła zafiksavać svaju datu naradžeńnia. A voś fraza jašče krychu nižej vyhladaje iranična ŭ susiedstvie z dyktataram: «Liberty Enlightening the World» («Svaboda, jakaja aśviatlaje śviet»).
Niepadalok schavalisia inšapłaniecianin, simvał sonca, knižka dy šmat samych roznych fraz.
Śpinu Alena taksama pieratvaryła ŭ art-abjekt z elemientami patryjatyzmu. Tam jość jašče adzin čyrvona-zialony ściah, karta Biełarusi i fraza na ruskaj movie: «Normami Kanstytucyi Respubliki Biełaruś harantavana fizičnaje i psichałahičnaje zdaroŭje, što adpaviadaje pałažeńniam Usieahulnaj dekłaracyi pravoŭ čałavieka».
A na ruce žančyny jość roznyja partrety. Pobač z Umkam (jaki ŭ centry kampazicyi) Chamiakova raźmiaściła tatu-partrety maładoha Łukašenki, jaho aficyjnaj žonki (nasamreč Alena pamyliłasia i nabiła zusim nie Halinu Łukašenka, a inšuju žančynu, zdymak jakoj nie pieršy hod chodzić pa internecie), jahonaj cieščy i maci. U hetaj amal što siamiejnaj kampanii prysutničajuć Papa Rymski, sama Alena i niejkaje bostva.
Nižej možna pabačyć Łukašenku, Pucina dy Si Czińpina. Pad kožnym ź ich namalavany sercy, złučanyja čyrvonymi linijami. Nižej jość i tatu-viersija podpisu biełaruskaha palityka.
Niepadalok ad starejšaha Łukašenki raźmieščanyja partrety jaho synoŭ Viktara i Dźmitryja. Raździalaje ich nadpis na łacinskaj «Amoris Laetitia» i pierakład vyraza na ruskuju: «Radaść lubovi».
Miarkujučy pa sacyjalnych sietkach žančyny, jana cikavicca mistykaj i roznymi apakaliptyčnymi teoryjami.
Kali Chamiakova pisała pra vyzvaleńnie Cichanoŭskaha, to namiakała, što była ŭ turmie, — maŭlaŭ, sama prachodziła praz toje ž samaje. Padkreślivaje, što zaŭsiody suprać hvałtu, ale Siarhieju raić zajmacca siamjoj.
Łukašenku ž Alena nazyvaje zakonna abranym prezidentam. Jaho fota z pravalnaha mitynhu ŭ 2020 hodzie rehularna źjaŭlajecca na jaje impravizavanym ałtary. Časam pobač z fotazdymkam samoj Aleny, fotazdymkam jaje syna, Pucina ci Papy.
«Łukašenka prosta nie viedaje». Jabaćku, jaki vykładaŭ u tyktok videa pra bulinh dački, pasadzili na paŭtara miesiaca
Pamierła 39‑hadovaja ilustratarka, jakaja ŭ 2020 hodzie stvarała stykiery ŭ padtrymku represij i AMAPu
Rasijskaja błohierka pafarbavała bałkon u čyrvona-zialony. U kamientaryi prybiehli žartavać biełarusy
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary