Mieksikaniec sprabavaŭ zavieźci ŭ Biełaruś kaštoŭnaści na 40 tysiač rubloŭ
Jak paviedamili ŭ Dziaržaŭnym mytnym kamitecie, mytniki spynili sprobu niezakonnaha ŭvozu bujnoj partyi juvielirnych vyrabaŭ. U hramadzianina Mieksiki, jaki jechaŭ ź Litvy praz punkt propusku «Kamienny Łoh» rejsavym aŭtobusam, znajšli kala 40 srebnych vyrabaŭ i dva załatyja źlitki, što padlahali abaviazkovamu dekłaravańniu.
Padarožnik vybraŭ zialony kalidor, tym samym zajaviŭšy, što nie maje tavaraŭ, jakija treba dekłaravać. Adnak padčas mytnaha kantrolu kaštoŭnaści znajšli ŭ jahonaj ručnoj pakłažy. Ahulny košt znojdzienych vyrabaŭ skłaŭ prykładna 40 tysiač biełaruskich rubloŭ.
Za niedekłaravańnie tavaraŭ u bujnym pamiery Hrodzienskaja rehijanalnaja mytnia raspačała administracyjny praces pavodle č. 4 art. 15.5 KaAP Respubliki Biełaruś. Ciapier inšaziemcu pahražaje štraf da 30% ad koštu niezadekłaravanych tavaraŭ.
Kamientary