Prezident ZŠA jašče nie pryniaŭ kančatkovaha rašeńnia.
Amierykanskaja armija hatovaja nanieści ŭdar pa Iranie ŭ hetuju subotu, 21 lutaha. Pra heta prezidentu ZŠA Donaldu Trampu paviedamili vysokapastaŭlenyja čynoŭniki, adkaznyja za nacyjanalnuju biaśpieku, piša CBS News sa spasyłkaj na daśviedčanyja krynicy.
Pa słovach surazmoŭcaŭ telekanała, Tramp jašče nie pryniaŭ kančatkovaha rašeńnia, adnak u Biełym domie iduć «dynamičnyja i bieśpierapynnyja» abmierkavańni hetaha pytańnia. U pryvatnaści, uzvažvajucca ryzyki eskałacyi, a taksama «palityčnyja i vajennyja nastupstvy strymanaści».
Adna z krynic CBS źviarnuła ŭvahu na toje, što Pientahon u apošnija dni časova pieravodziŭ častku vajennaha kantynhientu ź Blizkaha Uschodu ŭ Jeŭropu i nazad u ZŠA. Pa jaho słovach, zvyčajna takoje adbyvajecca pierad mahčymaj vajennaj apieracyjaj, kab abaranić amierykanskich vajennych u vypadku adkazu Irana.
Miž tym pres-sakratar Biełaha doma Kerałajn Levit zajaviła, što isnuje «mnostva pryčyn i arhumientaŭ na karyść udaru pa Iranie», adnak Tramp u pieršuju čarhu raźličvaje na dypłamatyju.
«Iranu było b vielmi razumna zaklučyć ździełku z prezidentam Trampam i jaho administracyjaj», — padkreśliła Levit.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary