18 lutaha ŭ Ženievie zaviaršylisia pierahavory pa spynieńni vajny, udzieł u jakich brali Ukraina, Złučanyja Štaty Amieryki i Rasija. Stanam na siońnia nielha skazać, što vynik sustreč źjaŭlajecca dastatkovym. Pra heta skazaŭ prezident Ukrainy Uładzimir Zialenski ŭ svaim viačernim videazvarocie.
Pa słovach Uładzimira Zialenskaha, sustreča vajskoŭcaŭ była surjoznaj i źmiastoŭnaj. U toj ža čas palityčnaja hrupa abmierkavała adčuvalnyja pytańni.
«Pytańni pra mahčymyja kampramisy i nieabchodnuju sustreču lidaraŭ jašče nie apracavanyja dastatkova. Raźličvajem na nastupnuju sustreču, i było b pravilna [pravieści jaje] jašče ŭ lutym. Važna, što prysutničali jeŭrapiejcy — Francyja, Brytanija, Hiermanija, Italija, Šviejcaryja jak bok, jaki prymaje», — zaŭvažyŭ prezident Ukrainy.
Jon padkreśliŭ, što Jeŭropa pavinna być udzielnicaj pieramovaŭ, i Ukraina zaŭsiody prasoŭvaje hetuju pazicyju.
Asobna Zialenski adznačyŭ, što staviŭ zadaču delehacyi abmierkavać humanitarny trek:
«Patrebnyja abmieny vajennapałonnymi, vyzvaleńnie cyvilnych. My pa kožnym čałavieku šukajem infarmacyju i zaŭsiody pracujem na toje, kab viarnuć svaich — viarnuć ukraincaŭ dadomu. Kožny abmien maje značeńnie».
Pradstaŭniki Ukrainy i Rasii sustrelisia asobna paśla zaviaršeńnia trochbakovych pieramoŭ u Ženievie
Pieramovy ŭ Ženievie zaviaršylisia
Uitkaf paśla pieramoŭ u Ženievie zajaviŭ ab vielizarnym prahresie
Zialenski daručyŭ ukrainskaj kamandzie na pieramovach arhanizavać sustreču z Pucinym u Ženievie
U Ženievie pačaŭsia novy raŭnd pieramoŭ pamiž Ukrainaj, Rasijaj i ZŠA
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary