U adnym z alimpijskich zabiehaŭ pa šort-treku pieramohu niečakana atrymaŭ spartsmien, jaki išoŭ apošnim VIDEA
Kazachstanski spartsmien Abzał Ažhalijeŭ vielmi niezvyčajnym čynam prabiŭsia ŭ čverćfinał u šort-treku na dystancyi 500 mietraŭ na Hulniach-2026.
Amal uvieś zajezd Ažhalijeŭ išoŭ apošnim i, zdavałasia, nie mieŭ šancaŭ na pośpiech. Adnak pierad samym finišam situacyja raptoŭna źmianiłasia: łatyš Rejnis Bierzińš i turak Furkan Akar upali, a tytułavany italjaniec Pjetra Sihiel nie ŭtrymaŭ raŭnavahu i faktyčna pierasiakaŭ finiš śpinaj napierad.
U vyniku fotafiniš pakazaŭ, što pieršym liniju pierasiek mienavita Ažhalijeŭ. Takim čynam, spartsmien, jaki doŭhi čas zamykaŭ hrupu, niečakana staŭ pieramožcam zajezdu.
Treba skazać, što ŭ šort-treku takija zavały zdarajucca niaredka. U 2002 hodzie ŭ amierykanskim Sołt-Lejk-Sici aŭstralijec Styvien Bredbiery u padobnych abstavinach navat vyjhraŭ zołata Alimpijskich hulniaŭ.
Tady Bredbiery byŭ aŭtsajdaram finalnaha zabiehu, adstajučy ad lidaraŭ na 15—20 mietraŭ. Adnak na apošnim pavarocie apošniaha kruha ŭsie čatyry sapierniki (amierykaniec Apoła Anton Ona, karejec An Chion Su, kitajec Li Cziacziuń i kanadziec Maćjo Ciurkot) sutyknulisia pamiž saboj i papadali. Bredbiery ž, jaki jechaŭ daloka zzadu, spakojna abjechaŭ zavał i pieršym pierasiok finišnuju liniju.
Kamientary