Kiraŭnik administracyi Łukašenki Dźmitryj Krutoj 20 studzienia pajechaŭ u Vilejku, dzie adkryŭ cech pa vytvorčaści syru ź biełaj ćvillu, jaki, pavodle jahonaj acenki, «nie sastupaje ni rasijskim, ni francuzskim anałaham».
Vytvorčaść praduktu naładzili na ŭčastku AAT «Minski małočny zavod №1» u Vilejcy ŭ ramkach inviestycyjnaj prahramy «Adzin rajon — adzin prajekt».
Dźmitryj Kruty ad taho, što atrymałasia, u zachapleńni:
«Kali kazać pra syr, to kuchary, jakija ŭžo ź im paznajomilisia i pačali pracavać, kažuć, što jon ničym nie sastupaje ni rasijskim, ni francuzskim anałaham. Samaje sučasnaje abstalavańnie, najlepšyja technałohii, na adpracoŭku jakich pajšło šmat miesiacaŭ. Ale kančatkovy pradukt dazvalaje kazać, što namahańni śpiecyjalistaŭ akupilisia całkam i ŭ respublicy źjavilisia novyja kampietencyi».
Prytym praź niekalki dzion chołdynh «Pieršy małočny» nibyta maje adkryć i vytvorčaść syru z błakitnaj ćvillu.
Parazvažaŭ pry hetaj nahodzie čynoŭnik i pra ceny:
«Kłasičny syr ź biełaj ćvillu ŭ śviecie ŭ siarednim kaštuje ŭ dyjapazonie 2 jeŭra. Upakoŭka 200-250 h na našych palicach kaštuje daražej amal u dva razy, ale pradpryjemstva abiacaje, što pa canie atrymajecca navat tańniej za tyja pradukty, jakija na siońniašni dzień impartujucca».
Samim ža rabotnikam, jakija buduć varyć syr, abiacajuć zarobak u 2,5—3 tysiačy rubloŭ, što «navat pa mierkach stalicy i našych abłasnych centraŭ niadrenna».
Batončyk «Zariadiś» i maładziečanski «Rakforci». Jakija biełaruskija pradukty možna kupić u kramach zamiest impartnych?
«Paŭtaryć u nas smak syru, zvaranaha ŭ Italii, — z haliny fantastyki». Baranavicki syravar raskazaŭ, što samaje ciažkaje ŭ hetym biznesie
«Varta paabdymacca z našymi žyviołami — i nastroj padymajecca». Hrodzienskaja siamja znajšła ščaście ŭ hadavańni žyvioły i vyrabie syroŭ
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary