Francyja tajna praviała vučeńni pa adbićci rasijskaha napadu na Ukrainu z terytoryi Biełarusi
Francuzskaje vydańnie Intelligence Online, jakoje śpiecyjalizujecca na infarmacyi z krynic u «siłavych strukturach», paviedamiła pra sakretnyja vučeńni francuzskaj armii, jakija madelavali adbićcio ataki rasijskich vojskaŭ na Ukrainu z terytoryi Biełarusi.
Pavodle źviestak IO, vučeńni pad nazvaj «Piersiej» (Persée) prajšli «vosieńniu 2024 hoda», ich scenar «byŭ raspracavany na asnovie dośviedu ŭkrainskich manieŭraŭ, jakija dapamahli spynić rasijskaje ŭvarvańnie ŭ lutym 2022 hoda», piša «Novaja hazieta. Jeŭropa».
U vučeńniach byli zadziejničany ŭsie siły kamandavańnia śpiecyjalnych apieracyj suchaputnych vojskaŭ (CAST): kamandas, padarožniki-špijony, drony i kibierbajcy.
Na praciahu tydnia padraździaleńni, jakija ŭvachodziać u CAST (13-y parašutna-drahunski połk — 13y RDP, 1-y Parašutny piachotny połk marskoj piachoty — 1er RPIMa i inš.), byli sabranyja «na miascovaści, padobnaj pa tapahrafii na vyhib Dniapra na poŭnač ad Kijeva».
Byli acenienyja pakazčyki 3 200 čałaviek z CAST i ich abstalavańnia. Uvaha kamandujučych vučeńniami była zasiarodžana na taktycy vykarystańnia taktyčnych dronaŭ, srodkach radyjoelektronnaj baraćby i pierachopu, a taksama na efiektyŭnaści interfiejsaŭ źlićcia danych va ŭmovach bajoŭ vysokaj intensiŭnaści.
«U namiocie, chavajučysia ad vyjaŭleńnia varožymi dronami, dziasiatak analitykaŭ raźviedki, interpretataraŭ malunkaŭ i śpiecyjalistaŭ pierachopu pracavali z aptyčnymi spadarožnikavymi zdymkami i spravazdačami, sabranymi špijonskimi spadarožnikami Ceres i CSO, — apisvaje chod vučeńniaŭ vydańnie.
— Niekatoryja hrupy Mižarmiejskaha centra dziejańniaŭ u navakolnym asiarodździ (CIAE) taksama byli mabilizavanyja dla zboru vyviedvalnych źviestak u kibierprastory, praz sacyjalnuju sietku Telegram, ab prasoŭvańni rasiejskich vojskaŭ i ich namierach». Jak paviedamlaje vydańnie, padčas vučeńniaŭ było vyjaŭlena niekalki słabych bakoŭ u dziejańniach francuzskich sił. U pryvatnaści, havorka pra niedachop taktyčnych dronaŭ, u vyniku čaho «sistemy Anafi MK3 ad francuzskaha śpiecyjalista Parrot ŭzajemadziejničali, volaj-niavolaj, z bujnym parkam dronaŭ Mavic 3t kitajskaha vytvorcy DJI».
«Pavodle našych źviestak, niekatorych naziralnikaŭ vučeńniaŭ ździviła šyrokaja prysutnaść hetych kitajskich dronaŭ, navat na takich adčuvalnych misijach. Była adznačana nizkaja nadziejnaść hetych sistem u płanie pryvatnaści i adsočvańnia sabranaj infarmacyi», — piša IO.
— Akramia taho, padčas vučeńniaŭ nie vykarystoŭvalisia aktyŭna ŭžyvalnyja padčas bajavych dziejańniaŭ va Ukrainie FPV-drony (zdolnyja pieradavać navakolnaje ich fizičnuju realnaść vydalenamu apierataru ŭ jakaści virtualnaj realnaści).
Heta źviazana, pa danych Intelligence Online, sa «značnymi zatrymkach u raspracoŭcy i terminovaj pastaŭcy hetych, u cełym niedarahich dronaŭ, francuzskimi vytvorcami».
Pry hetym na dadzieny momant masavaja vytvorčaść takich pryład «nie staić na paradku dnia» ŭ francuzskaj Hienieralnaj dyrekcyi pa ŭzbrajeńni (DGA), śćviardžaje vydańnie, udakładniajučy, što «toje ž samaje tyčycca ałharytmaŭ štučnaha intelektu (II) dla aŭtamatyčnaha raspaznavańnia vajennaj techniki, jakija ŭstaloŭvajucca na hetych pryładach».
Aficyjnych paćvierdžańniaŭ abo abviaržeńniaŭ infarmacyi ab praviadzieńni hetych vučeńniaŭ pakul nie pastupała.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary