«Čamu pad vyhladam trochpakajovych kvater stali pradavać dvuchpakajovyja?» Błohierka krytykuje rynak nieruchomaści
Biełaruska aburajecca tym, jakija kvatery sa svabodnaj płaniroŭkaj siońnia prapanujuć.
U svaim tyktoku Jaŭhienija razvažaje pra svabodnuju płaniroŭku — varyjant zabudovy, kali ŭnutry kvatery niama ŭnutranych ścien, a kolkaść apornych ścien minimalnaja. Na dumku dziaŭčyny, takaja płaniroŭka vyhadnaja tolki zabudoŭščyku.
«Čamu pad vyhladam trochpakajovych kvater stali pradavać dvuchpakajovyja? Voś hetaja svabodnaja płaniroŭka jak by ŭniesła svaje karektyvy, vy zaŭvažyli? Zabudoŭščyk daje nam vialikuju kvadraturu, ale ŭ hetaj kvadratury ty nie pabuduješ trochpakajovuju!»
Dalej dziaŭčyna pakazała płan takoj kvatery — jaho jana nazvała ŭbostvam:
«24 kvadraty — kalidor, 33 kvadraty — voś hety ŭs*aty pakoj, jaki ty nie padzieliš nijak! U ciabie ŭ lubym vypadku z takoj płaniroŭkaj budzie niejkaja prachadnaja. I heta pradajecca pad vyhladam kłasnaj trochpakajovaj kvatery.
I tut spradviečnaje pytańnie — navabud albo druhasnaje žyllo? Taja ž stalinka na fonie takich płanirovak vyhladaje vydatnym varyjantam».
Akramia kalidora i vialikaha pakoja, pra jaki skazała dziaŭčyna, u kvatery jość jašče spalnia płoščaj krychu mienš za 14 kvadratnych mietraŭ i kuchnia płoščaj amal 13 kvadrataŭ. Sanvuzieł u kvatery raździelny — płošča jaho častak składaje 3,3 i 4,2 kvadratnyja mietry.
Tyktok z razvahami dziaŭčyny nabraŭ bolš za 125 tysiač prahladaŭ.
Toje, što prablema isnuje, paćviardžajuć kamientary — ich užo bolš za 300. Tam šmat abureńnia i pretenzij da sučasnaj nieruchomaści:
«Usie narmalnyja ludzi ličać kolkaść pakojaŭ pa kolkaści izalavanych pamiaškańniaŭ. Kuchnia — heta nie pakoj, navat kali tam pastavić kanapu i nazvać haścinaj».
«Mianie varjuje, što ŭ sučasnych navabudach pavialičanaja kuchnia, ci, jak jaje ciapier nazyvajuć, kuchnia-haścinaja, padajecca jak jašče adzin pakoj. Šukaješ trochpakajoŭku, a tam 2 pakoi + kuchnia».
«Dyk jašče i bałkony pierastali rabić, nu łodžyi chacia b pakińcie, ja nie mahu žyć bieź ich, biez chałodnaj častki kvatery zimoj. Tamu padčas pošuku kvatery adrazu adsiejałasia 70% varyjantaŭ, praktyčna ŭsie pierastali rabić bałkony i łodžyi».
Karystalniki prapanujuć, jak možna vypravić płaniroŭku ŭ takoj kvatery. Adzin z varyjantaŭ — pamianiać miescami spalniu i kuchniu i padzialić prastoru na try pakoi. Taksama prapanujuć pieranieści kuchniu ŭ haścinuju ci ŭvohule ŭ kalidor, kab vyzvalić pad inšyja patreby pakoj, dzie ciapier znachodzicca kuchnia.
Niekatorym, adnak, padabajecca i ciapierašniaja płaniroŭka:
«Heta trochpakajoŭka. Adzin žyły pakoj — minimum 12 kvadratnych mietraŭ. Tut možna z zały zrabić 2 pakoi. Prosta zabudoŭščyk tak pradaje — vidać, popyt».
«Nakid na vientylatar! U mianie jeŭratrochpakajoŭka, zała-kuchnia 25 kvadrataŭ. Vielmi zručny farmat. Možna adździalić kuchniu, ale navošta? Heta ž pryhoža i vielmi zručna!»
«Naša Niva» — bastyjon biełaruščyny
PADTRYMAĆ
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary