Biespaśpiachovaj akazałasia druhaja sproba prodažu z aŭkcyjonu aryštavanaha doma eks-pretendenta na pasadu prezidenta Valeryja Capkały. Heta vynikaje z paviedamleńnia na placoŭcy e-auction.by, zaŭvažyŭ «Pozirk».
Pačatak tarhoŭ byŭ pryznačany na 9.00 15 studzienia. Ale paśla taho, jak praminuŭ hety čas, na partale «BiełJurZabieśpiačeńnia» źjaviłasia paviedamleńnie, što «aŭkcyjon nie adbyŭsia» praz «adsutnaść udzielnikaŭ».
Na druhich tarhach startavaja cana była vyznačanaja na ŭzroŭni 1 młn 683,2 rub., zadatak — 168 320 rubloŭ.
Pieršy aŭkcyjon nie adbyŭsia taksama praz adsutnaść achvotnych u kancy listapada 2024 hoda, tady startavy košt doma składaŭ 2 młn 104 tys. rubloŭ.
Dvuchpaviarchovy katedž płoščaj 418,3 m2, raźmieščany na vulicy Ciapličnaj u Minsku, byŭ vystaŭleny na aŭkcyjon u siaredzinie kastryčnika. Ź im pradajecca ŭsio damavoje abstalavańnie, pradmiety interjeru i ziamielny ŭčastak płoščaj 0,1411 ha.
9 krasavika 2024 hoda z druhoj sproby na aŭkcyjonie była pradadzienaja trochpakajovaja kvatera Capkały ŭ Minsku pa adrasie vuł. Čarnyšeŭskaha, 5 ahulnaj płoščaj 103,7 kv.m.
Valeryj Capkała 7 krasavika 2023 hoda byŭ zavočna pryhavorany da 17 hadoŭ pazbaŭleńnia voli. Jaho pryznali vinavatym pavodle dzieviaci artykułaŭ Kryminalnaha kodeksa.
Capkała raskazaŭ, što na hrečaskaj miažy jaho abvinavacili ŭ kradziažy aŭtamabila
«Kali źjavicca jaki-niebudź bomž» — Capkała raskazaŭ svaju stratehiju na vybary 2025 hoda
«Heta Valer Capkała». Stryžak nazvaŭ svaich asnoŭnych chejtaraŭ
Vieranika Capkała pra adjezd u Maskvu za dzień da vybaraŭ: «Ja chacieła pravieści hety histaryčny dzień ź dziećmi»
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary