Aryštavany dom Capkałaŭ u Minsku nie pradali na aŭkcyjonie — nie znajšłosia achvotnych
Elektronnyja tarhi, jakija byli pryznačanyja na 20 listapada, nie adbylisia.
Aŭkcyjon pa prodažy aryštavanaha dvuchpaviarchovaha doma Valeryja Capkały ŭ Minsku nie adbyŭsia. Na placoŭcy «BiełJurZabieśpiačeńnie» ŭkazana, što achvotnych kupić dom nie znajšłosia.
Dvuchpaviarchovy dom № 7 na vulicy Ciapličnaj u Minsku byŭ vystaŭleny na tarhi razam ź ziamielnym učastkam płoščaj 0,1411 ha.
Ahulnaja płošča budynka składaje 418,3 m². U skład łota taksama ŭvachodziać roznyja majomaści, u tym liku mebla, bytavaja technika i pradmiety interjeru.
Startavaja cana składała 2 104 000 rubloŭ pry sumie zadatku ŭ 210 400 rubloŭ. Adnak na tarhi nichto nie pryjšoŭ.
U krasaviku z druhoha razu na aŭkcyjonie była pradadzienaja aryštavanaja trochpakajovaja kvatera Capkałaŭ u Minsku. Nieruchomaść ahulnaj płoščaj 103,7 kv. m ź miescam na padziemnym parkinhu była pradadziena za 395,7 tysiačy rubloŭ.
Łukašenka aburyŭsia, što vada z Prypiaci ŭciakaje va Ukrainu1
Łukašenka aburyŭsia, što vada z Prypiaci ŭciakaje va Ukrainu
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»2222
Kamientary