«Kamuści tut treba dać try aplavuchi». Fica vykazaŭsia pra padletka, jaki nie pacisnuŭ ruku prezidentu Słavakii
Premjer-ministr Słavakii Robiert Fica zajaviŭ, što na miescy prezidenta zabraŭ by ŭznaharodu ŭ školnika, jaki na cyrymonii ŭznaharodžańnia pieramožcaŭ mižnarodnych alimpijad admoviŭsia pacisnuć ruku prezidentu praz prarasijskuju pazicyju taho.
«Chamavity padletak z ukrainskim ściaham na kaściumie nie pacisnuŭ ruku prezidentu… Kamuści tut treba dać try aplavuchi», — napisaŭ Fica.
Padčas uračystaściaŭ u prezidenckim pałacy 13 studzienia słavacki staršakłaśnik Siman Omanik admoviŭsia pacisnuć ruku prezidentu krainy Pieteru Pielehryni praz prarasijskuju pazicyju apošniaha. Adbyłosia heta padčas uznaharodžańnia pieramožcaŭ matematyčnaj alimpijady. Pry hetym chłopiec mieŭ na sabie stužku ŭ kolerach ukrainskaha ściaha.
«Ja nie dumaju, što było b pravilna pacisnuć ruku takomu čałavieku abo mieć znosiny ź im, tamu što ja nie zhodny ź im i liču jaho ašukancam i chłusam», — skazaŭ junak u intervju słavackamu vydańniu Dennik N.
Pieter Pielehryni ličycca prarasijskim palitykam i sajuźnikam premjer-ministra Robierta Fica. Pielehryni pieramoh na prezidenckich vybarach u Słavakii ŭ 2024 hodzie.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary