Dvoje žycharoŭ Novasibirska zhvałtavali i zabili studentku. Jany vyjšli na volu na 15 hadoŭ raniej — pajechali na vajnu
Baćki zabitaj dziaŭčyny śćviardžajuć: načalstva kałonii abiacała, što na front złačyncaŭ nie adpraviać.
Dvoje žycharoŭ Novasibirska, jakija zhvałtavali i zabili studentku, vyjšli na volu na 15 hadoŭ raniej za termin. Jany abodva padpisali kantrakty ź Minabarony Rasii i pajechali na vajnu.
Studentku Kryścinu Aŭčyńnikavu zabili ŭ śniežni 2017 hoda. Jana adhuknułasia na abjavu ab padpracoŭcy i pajechała prybiracca ŭ katedžy. Abjava była pastkaj: Maksim Aŭčyńnikaŭ i Siarhiej Julin zhvałtavali 19-hadovuju Kryścinu, abmatali hałavu plonkaj, dačakalisia, pakul jana zadychniecca, i vykinuli cieła ŭ lesie, raskazvajuć «Ostorožno, novosti».
Julin i Aŭčyńnikaŭ častkova pryznali vinu, ale sprabavali pierakłaści adkaznaść za zabojstva adzin na adnaho. Pa słovach Kanstancina, baćki Kryściny, padčas suda jany ŭchmylalisia.
U vieraśni 2018 hoda Julina prysudzili da 22 hadoŭ kałonii, a Aŭčyńnikava da 18 hadoŭ. Pa rašeńni suda abvinavačanyja pavinny byli vypłacić siamji zahinułaj 6 miljonaŭ rasijskich rubloŭ (na toj momant 92 tysiačy dołaraŭ), ale baćku pieraličvali nie bolš za tysiaču rubloŭ. Niadaŭna Kanstancinu pryjšło adrazu 75 tysiač rubloŭ (3 tysiačy dalaraŭ).
«Ja zachvalavaŭsia, pajšoŭ vyśviatlać, akazałasia, hrošy pryjšli ad Aŭčyńnikava. Nie zrazumieŭ, adkul u jaho srodki, a paśla kiraŭnictva kałonii paviedamiła mnie, što jon pajšoŭ na SVA (vajnu va Ukrainie — zaŭv.). 12 lutaha jon pakinuŭ kałoniju, pavodle maich źviestak, jon atrymaŭ ranieńnie, vypłaty i kupiŭ u Arenburhu kvateru», — raskazaŭ baćka Kryściny.
Pa słovach Kanstancina, arhanizatar zabojstva, Siarhiej Julin, taksama pajšoŭ na vajnu ŭ kancy 2024 hoda. U hadavinu zabojstva Kryściny.
«Kiraŭnictva kałonii abiacała mnie, što jany nikoli nie pajeduć na SVA. Mnie nie strašna, ja chaču na ŭsiu krainu kryčać, kab bajcy viedali, z kim jany bok pry boku buduć znachodzicca. Heta chvoryja ludzi», — zajaviŭ Kanstancin.
Va ŭkrainski pałon trapiŭ kuchar ź Nieapala. U Italii jaho asudzili za seksualny hvałt nad 9-hadovym dziciem
Uradženiec Połaččyny zahinuŭ u vajnie na baku Rasii. Jon sam vyzvaŭsia na front
Znajšli rasijskaha vajskoŭca, jaki maje dačynieńnie da zabojstva žančyny z čyrvonym manikiuram u Bučy. Jaje fota stała simvałam raźni
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie27
Kamientary