Двое жыхароў Новасібірска згвалтавалі і забілі студэнтку. Яны выйшлі на волю на 15 гадоў раней — паехалі на вайну
Бацькі забітай дзяўчыны сцвярджаюць: начальства калоніі абяцала, што на фронт злачынцаў не адправяць.
Двое жыхароў Новасібірска, якія згвалтавалі і забілі студэнтку, выйшлі на волю на 15 гадоў раней за тэрмін. Яны абодва падпісалі кантракты з Мінабароны Расіі і паехалі на вайну.
Студэнтку Крысціну Аўчыннікаву забілі ў снежні 2017 года. Яна адгукнулася на аб'яву аб падпрацоўцы і паехала прыбірацца ў катэджы. Аб'ява была пасткай: Максім Аўчыннікаў і Сяргей Юлін згвалтавалі 19-гадовую Крысціну, абматалі галаву плёнкай, дачакаліся, пакуль яна задыхнецца, і выкінулі цела ў лесе, расказваюць «Осторожно, новости».
Юлін і Аўчыннікаў часткова прызналі віну, але спрабавалі перакласці адказнасць за забойства адзін на аднаго. Па словах Канстанціна, бацькі Крысціны, падчас суда яны ўхмыляліся.
У верасні 2018 года Юліна прысудзілі да 22 гадоў калоніі, а Аўчыннікава да 18 гадоў. Па рашэнні суда абвінавачаныя павінны былі выплаціць сям'і загінулай 6 мільёнаў расійскіх рублёў (на той момант 92 тысячы долараў), але бацьку пералічвалі не больш за тысячу рублёў. Нядаўна Канстанціну прыйшло адразу 75 тысяч рублёў (3 тысячы даляраў).
«Я захваляваўся, пайшоў высвятляць, аказалася, грошы прыйшлі ад Аўчыннікава. Не зразумеў, адкуль у яго сродкі, а пасля кіраўніцтва калоніі паведаміла мне, што ён пайшоў на СВА (вайну ва Украіне — заўв.). 12 лютага ён пакінуў калонію, паводле маіх звестак, ён атрымаў раненне, выплаты і купіў у Арэнбургу кватэру», — расказаў бацька Крысціны.
Па словах Канстанціна, арганізатар забойства, Сяргей Юлін, таксама пайшоў на вайну ў канцы 2024 года. У гадавіну забойства Крысціны.
«Кіраўніцтва калоніі абяцала мне, што яны ніколі не паедуць на СВА. Мне не страшна, я хачу на ўсю краіну крычаць, каб байцы ведалі, з кім яны бок пры боку будуць знаходзіцца. Гэта хворыя людзі», — заявіў Канстанцін.
Ва ўкраінскі палон трапіў кухар з Неапаля. У Італіі яго асудзілі за сэксуальны гвалт над 9-гадовым дзіцем
Ураджэнец Полаччыны загінуў у вайне на баку Расіі. Ён сам вызваўся на фронт
Знайшлі расійскага вайскоўца, які мае дачыненне да забойства жанчыны з чырвоным манікюрам у Бучы. Яе фота стала сімвалам разні
Цяпер чытаюць
Лукашэнка сустрэўся са спецпасланнікам Трампа Кітам Келагам15
Каментары