My časam pjom vitaminy nie zadumvajučysia. Śpiecyjalisty adznačajuć, što pryjom vitaminaŭ u nieadpaviedny čas moža pryvieści da niepažadanych pabočnych efiektaŭ. Asabliva treba ŭstrymacca ad pryjomu niekatorych vitaminaŭ viečaram.
Vitaminy hrupy B
Vitaminy hrupy B nieabchodnyja dla naležnaha funkcyjanavańnia kryvianosnaj i niervovaj sistem. Jany ŭdzielničajuć u vypracoŭcy sierataninu — harmonu, jaki ŭpłyvaje na nastroj i son, a taksama ŭskosna źviazany z utvareńniem miełataninu — harmonu snu.
Adnak hetyja vitaminy mohuć uzmacniać mazhavuju aktyŭnaść, što časam vyklikaje ciažkaści z zasynańniem pry viečarovym pryjomie. Tamu ich lepš prymać u pieršaj pałovie dnia — ranicaj ci padčas abiedu. Jany dobra zasvojvajucca jak ź ježaj, tak i bieź jaje, ale pryjom padčas ježy dapamahaje źnizić ryzyku straŭnikavaha dyskamfortu.
Vitamin D
Vitamin D, viadomy jak «vitamin soniečnaha śviatła», maje vialikaje značeńnie dla zdaroŭja kostak, padtrymańnia niervovaj sistemy i imunitetu. Jon taksama vałodaje ŭskosnymi antybakteryjalnymi ŭłaścivaściami.
U toj ža čas, jak adznačajuć śpiecyjalisty, viačerni pryjom hetaha vitaminu moža zapavolvać naturalnuju vypracoŭku miełataninu, jakaja spryjaje zdarovamu snu. Tamu rekamiendujecca prymać vitamin D ranicaj, kab padtrymać naturalnyja cyrkadnyja rytmy arhanizma.
Multyvitaminy
Multyvitaminnyja kompleksy, jak i asobnyja vitaminy, treba prymać u vyznačany čas sutak. Lepš za ŭsio rabić heta ranicaj padčas śniadanku abo ŭ abied.
Polivitaminy zvyčajna ŭtrymlivajuć tłuščaraspuščalnyja vitaminy (D, E, A, K), jakija lepš zasvojvajucca razam ź ježaj, što źmiaščaje tłuščy. Kali ŭ skład kompleksu ŭvachodziać vitaminy hrupy B, ich varta prymać u pieršaj pałovie dnia (da 14:00), kab paźbiehnuć prablem sa snom.
Vitamin S
Hety vitamin adyhryvaje važnuju rolu ŭ arhaniźmie. Jon padtrymlivaje imunnuju sistemu, dapamahajučy lejkacytam źniščać škodnyja mikraarhanizmy. Taksama jon paskaraje hajeńnie ran, umacoŭvaje ścienki sasudaŭ i rehuluje vypracoŭku kałahienu, jaki važny dla zdaroŭja skury i tkanak. Akramia taho, vitamin S spryjaje źnižeńniu kryvianoha cisku i ŭzroŭniu chalesterynu.
Adnak askarbinavuju kisłatu, ci vitamin S, nie rekamiendujecca prymać na noč. Pryčyna ŭ tym, što pryjom hetaha vitaminu našča ŭ niekatorych ludziej moža vyklikać razdražnieńnie ślizistaj abałonki straŭnika. Akramia taho, poźni pryjom moža spravakavać niepryjemnyja simptomy, naprykład, straŭnikava-kišačny refluks (pieramiaščeńnie straŭnikavaha źmieściva ŭ stravavod i rotavuju połaść).
Kalcyj
Poźni viečar — nie najlepšy čas dla pryjomu kalcyju. Hety minierał moža źnižać efiektyŭnaść niekatorych lekaŭ, naprykład, antybijotykaŭ ci preparataŭ ad hipiertanii. Akramia taho, kalcyj zdolny pieraškadžać zasvajeńniu žaleza, cynku i mahniju. Tamu jaho varta prymać asobna ad polivitaminaŭ abo ježy, bahataj žalezam.
U toj ža čas na noč varta prymać mahnij, bo jon spryjaje rassłableńniu myšcaŭ, supakajeńniu niervovaj sistemy i palapšeńniu zasynańnia.
Niezaležna ad času sutak razam ź ježaj možna prymać vitamin A.
Kab paźbiehnuć mahčymych niepažadanych efiektaŭ (asabliva kali vy prymajecie inšyja leki ci majecie chraničnyja zachvorvańni) i padabrać pravilny čas pryjomu vitaminaŭ i minierałaŭ, dapamoža kansultacyja z doktaram.
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?4
Kamientary
Prieparaty kalcija mohut umieńšiť vsasyvanije iz piŝi žieleza, cinka i mahnija. Odnako u ludiej s normalnoj obieśpiečiennosťju etimi minierałami eto nie imiejet kliničieskoho značienija v dołhosročnoj pierśpiektivie. Pacijenty s riskom dieficita žieleza, cinka ili mahnija dołžny prinimať prieparaty kalcija pieried snom, a nie vo vriemia jedy, čtoby iźbiežať zamiedlenija vsasyvanija mikroelemientov.
Dyk jaki mahnij na noč? Atrymlivajecca, što ŭsio naadvarot. Navošta błytać ludziej, kali jość dakładnyja instrukcyi?
Pravilno, kohda pod bokom potnyj kołobok, a čarka razriešajetsia tolko po prazdnikam, ostajetsia tolko mahnijem uparyvaťsia.