U Novaj Baravoj pradajuć kvateru pa $5500 za mietr. I heta nie pamyłka
Dvuchpakajovuju kvateru ahulnaj płoščaj 63 mietry pradajuć za $345 tysiač. Pahladzieli, što ŭ joj takoha.
Kvatera znachodzicca na čaćviortym paviersie siamipaviarchovika ŭ ahraharadku Kopišča — pobač ź Minskam, ale farmalna heta Minski rajon. U abjavie adznačajecca, što heta dom «biznes-kłasu».
Apartamienty vuhłavyja, tamu vokny ŭ asnoŭnym pamiaškańni vychodziać na dva baki. Kuchnia-haścioŭnia, prychožaja i kalidor znachodziacca ŭ adzinaj prastory, ź jakoj možna vyjści na łodžyju.
Płošča spalnaha pakoju — 14,2 mietra. U kvatery raździelny sanvuzieł.
«Kvatera, jakaja abaviazkova pryjdziecca pa dušy», — rekłamujuć jaje.
U apisańni paznačana, što ŭ kvatery zrobleny dyzajnierski ramont. Na padłozie lažyć italjanskaja plitka. Mebla taksama italjanskaja.
Zachapleńnie Italijaj znajšło miesca i na ścienach. Nad łožkam u spalni visić nadpis «la vita bella», što ŭ pierakładzie ź italjanskaj aznačaje «pryhožaje žyćcio».
Vanny pakoj i tualet całkam abkładzienyja plitkaj, u vannaj jość nievialikaje akienca, a ŭ tualecie — maleńkaja rakavina dla myćcia ruk.
Z ulikam taho, što za kvateru prosiać $345 tysiač, atrymlivajecca, što mietr u joj kaštuje $5500, što ŭ niekalki razoŭ bolš za siaredniuju canu kvadrata ŭ dvuchpakajoŭkach Minska. Zhodna z apošnimi źviestkami, siaredniaja cana mietra ŭ staličnych dvuchpakajoŭkach składała $1564.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu4
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary