У Новай Баравой прадаюць кватэру па $5500 за метр. І гэта не памылка
Двухпакаёвую кватэру агульнай плошчай 63 метры прадаюць за $345 тысяч. Паглядзелі, што ў ёй такога.
Кватэра знаходзіцца на чацвёртым паверсе сяміпавярховіка ў аграгарадку Копішча — побач з Мінскам, але фармальна гэта Мінскі раён. У аб'яве адзначаецца, што гэта дом «бізнэс-класу».
Апартаменты вуглавыя, таму вокны ў асноўным памяшканні выходзяць на два бакі. Кухня-гасцёўня, прыхожая і калідор знаходзяцца ў адзінай прасторы, з якой можна выйсці на лоджыю.
Плошча спальнага пакою — 14,2 метра. У кватэры раздзельны санвузел.
«Кватэра, якая абавязкова прыйдзецца па душы», — рэкламуюць яе.
У апісанні пазначана, што ў кватэры зроблены дызайнерскі рамонт. На падлозе ляжыць італьянская плітка. Мэбля таксама італьянская.
Захапленне Італіяй знайшло месца і на сценах. Над ложкам у спальні вісіць надпіс «la vita bella», што ў перакладзе з італьянскай азначае «прыгожае жыццё».
Ванны пакой і туалет цалкам абкладзеныя пліткай, у ваннай ёсць невялікае акенца, а ў туалеце — маленькая ракавіна для мыцця рук.
З улікам таго, што за кватэру просяць $345 тысяч, атрымліваецца, што метр у ёй каштуе $5500, што ў некалькі разоў больш за сярэднюю цану квадрата ў двухпакаёўках Мінска. Згодна з апошнімі звесткамі, сярэдняя цана метра ў сталічных двухпакаёўках складала $1564.
-
У Мінску прадаюць звычайны звонку дом, але з багатым начыннем: пазалотай, ляпнінай і карцінамі на сценах
-
«Засталося ўсяго 6 кватэр у горадзе». На выходныя 9 мая разабралі арэндныя кватэры ў Гродне, Брэсце і Мінску. Цэны ўражваюць
-
У Мінску прадаюць нестандартную 3-узроўневую кватэру. Цана можа прыемна здзівіць
Цяпер чытаюць
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10
Каментары