Minčuka, jaki adkazvaŭ za biaśpieku pasažyraŭ u aeraporcie «Minsk», sudziać za palityku
65-hadovy Anatol Krupin abvinavačvajecca ŭ «raspalvańni varožaści».
Anatolu Krupinu 65 hadoŭ. Admietna, što ŭ sacsietkach jon i pa-rusku nazyvaje siabie «Anatol».
Mužčyna naradziŭsia i vyras u Barysavie, u 1986 hodzie skončyŭ Biełaruski dziaržaŭny ŭniviersitet kultury i mastactva. U kancy 1980-ch pracavaŭ u Domie kultury «Hazavik» u horadzie Najabrski Jamała-Nianieckaj aŭtanomnaj akruhi Rasii, ale paśla razvału SSSR viarnuŭsia na radzimu.
Pavodle infarmacyi «Biełpoła», u 1993-2015 hadach Anatol Krupin pracavaŭ u aeraporcie «Minsk-2» inśpiektaram słužby biaśpieki.
U 2016 hodzie jon zhadvaŭsia jak načalnik źmieny avijacyjnaj biaśpieki i režymu — tady ŭ aeraporcie zatrymali hramadzianku Rasii za niaŭdały žart pra tracił u bahažy. Situacyju kamientavaŭ mienavita Krupin.
U sacsietkach apošni dopis mužčyny datujecca červieniem 2024 hoda.
28 studzienia 2025 Anatola Krupina pačnuć sudzić u Minskim haradskim sudzie za «raspalvańnie varožaści» (č. 1 art. 130 Kryminalnaha kodeksa Biełarusi). Pakarańnie moža być samaje raznastajnaje — i štraf, i aryšt, i chimija na termin da 5 hadoŭ, i kałonija na termin da 5 hadoŭ.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary