Sinoptyk Dźmitryj Rabaŭ raskazaŭ, ci varta čakać mocnych marazoŭ i śniehapadaŭ na Kalady.
Pavodle Dźmitryja Rabava, u Biełarusi znoŭ budzie paciapleńnie. U pryvatnaści, z 6 pa 12 studzienia, nadvorje ŭ krainie budzie časta mianiacca, i studzień pakul nie zmoža «pastavić» nadvorje na zimovyja rejki. Tempieratura budzie na 1-3 ciaplejšaja za klimatyčnuju normu. Vypaduć apadki roznych vidaŭ, budzie znoŭ vietrana, na darohach — ślizka.
U pačatku tydnia budzie vobłačna z prajaśnieńniami, u bolšaści rehijonaŭ respubliki vypadzie śnieh, miescami zhuścicca tuman, na darohach budzie hałalodzica. Viecier prahnazujecca paŭdniova-zachodni, paryvisty. Unačy tempieratura pavietra budzie vahacca ad -1 °C da -6 °C, dniom u paniadziełak słupki termomietraŭ padnimucca da +3 ⁰S, u aŭtorak — da +4 ⁰S.
Siaredzina tydnia taksama budzie vobłačnaj z prajaśnieńniami, projduć apadki. Minimalnaja tempieratura ŭ načny čas składzie -1 °C, maksimalnaja dniom — +4 °C.
U čaćvier i piatnicu nadvorje nie źmienicca. Unačy słupki termomietraŭ apuściacca da -6°C, dniom padnimucca da +5°C.
U vychodnyja dni apadkaŭ nie čakajecca. U načny i ranišni čas budzie tuman. Unačy tempieratura pavietra ŭpadzie da -6°C, dniom u subotu pavietra prahrejecca da +6°C, u niadzielu — da +2°C.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki7
Kamientary