Čechija vydała siertyfikat ab hramadzianstvie Łarysy Hienijuš i jaje muža Janki
Hienijušy zastavalisia hramadzianami Čechasłavakii da kanca svajho žyćcia, piša Kamunikat.org
U dakumiencie Adździeła pa hramadzianstvie Departamienta prava i handlu Abłasnoha adździaleńnia Paŭdniova-Češskaha kraju śćviardžajecca, što Łarysa i Jan Hienijušy, jakija pierabralisia ŭ Čechasłavakiju ŭ 1930-ch, atrymali čechasłavackaje hramadzianstva 4 lipienia 1947 hoda i zachoŭvali jaho biezupynna da kanca svajho žyćcia: Jan Hienijuš — da 8 lutaha 1979 hoda, a Łarysa — da 7 krasavika 1983.
Heta abaznačaje, što pazbaŭleńnie ich hramadzianstva Čechasłavakii i pieradača savietam jak nibyta savieckich hramadzian 12 žniŭnia 1948 hodu było niezakonnym.
U lutym 1949 hoda Viarchoŭny sud BSSR pryhavaryŭ Łarysu Hienijuš da 25 hadoŭ źniavoleńnia ŭ łahierach. Na taki ž termin byŭ asudžany Janka Hienijuš. U 1956 razam z mužam častkova reabilitavana, termin pakarańnia źmienšany da 8 hadoŭ, jakija ŭžo prajšli z momantu prysudu. Paśla vyzvaleńnia pasialilisia na radzimie muža ŭ Zelvie.
Łarysa Hienijuš pryncypova admaŭlałasia prymać savieckaje hramadzianstva. Dom Hienijušaŭ u Zelvie staŭ pryciahalnym asiarodkam dla tvorčaj moładzi Biełarusi. Niahledziačy na nahlad KDB, tut byvali častymi haściami paety i piśmieńniki, mastaki, navukoŭcy.
Za viartańnie Łarysie i Janu Hienijušam čechasłavackaha hramadzianstva doŭha zmahalisia biełarusy Čechii.
Ciapier Fond Kamunikat.org razam z Centram biełaruskaj kultury ŭ Biełastoku rychtuje da vydańnia ŭspaminy Łarysy Hienijuš pa-biełarusku i pa-polsku.
Kamientary
Miarkuju upejnien Łarysa Hienijuš admoviłaś by ad padobnaha " honara" ..