Łukašenka paabiacaŭ kiraŭniku Minska zvańnie Hieroja Biełarusi, kali toj zdoleje zrabić budaŭnictva mietro tańniejšym
Uładzimir Kucharaŭ ahučyŭ košt adnaho kiłamietra mietro, a Łukašenka prapanavaŭ zrabić jaho tańniejšym.
Adkryvajučy novyja stancyi mietro ŭ Minsku, Łukašenka zapatrabavaŭ paskoryć budaŭnictva novych učastkaŭ i skaracić košt.
Staršynia Minharvykankama Uładzimir Kucharaŭ raspavioŭ, što try novyja stancyi abyšlisia ŭ 832 miljony rubloŭ, a adzin kiłamietr kaštuje 70 miljonaŭ dalaraŭ, piša BiełTA.
U adkaz Łukašenka paabiacaŭ Kucharavu zorku Hieroja Biełarusi, kali toj budzie budavać mietro chutčej i tańniej.
«Nikudy nie padzieniemsia, u Minsku treba rabić mietro sapraŭdnaje, dobraje mietro. Kali ty budzieš dalej budavać, ty zapłaciš zaŭsiody bolš. Budziem staracca finansavać jak śled. Ale kali b ty skazaŭ, što kiłamietr nie 70 miljonaŭ, a 50 varta — usio, zorka Hieroja tabie i im (budaŭnikam mietrapalitena). Ale pakul 70», — zajaviŭ Łukašenka.
Kucharaŭ anansavaŭ kuplu novaha ščyta, što pavialičyć chutkaść budaŭnictva mietro.
Pa słovach kiraŭnika Minharvykankama, u 2024 hodzie staličny mietrapaliten pieravioz 249 młn pasažyraŭ. Čakajecca, z uvodam troch novych stancyj kolkaść vyraście da 260 młn.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ8
Kamientary